"4bia" (2008)
ဇာတ်လမ်းအကျဥ်း
ဒီရုပ်ရှင်ကားလေးကိုတော့ သရဲကားထက် သည်းထိပ်ရင်ဖိုရုပ်ရှင်ကားလို ပြောလိုရပါတယ်။ ဒီရုပ်ရှင်မှာ ထူးခြားတဲ့အချက်က ဇာတ်ကြောင်းအချိတ်အဆက်မရှိတဲ့ ဇာတ်လမ်းလေးခုကို ရိုက်ပြထားခြင်းပါပဲ။ ပထမတစ်ခုကိုတော့ အထီးကျန်ဆန်ခြင်းလို ခေါင်းစဥ်တပ်ထားပါတယ်။ အထီးကျန်နေတဲ့ မိန်းကလေးတစ်ယောက်က သူစိမ်းတစ်ယောက်ဆီကနေ မိတ်ဖွဲစာ ရခဲ့ပါတယ်။ ဒါပေမဲ့ အဲ့ဒီဖုန်းနံပါတ်ကို ဆက်ကြည့်တဲ့အချိန်တိုင်း အော်ပရေတာရဲ့ ဖုန်းမအားသေးပါဆိုတဲ့အသံပဲကြားရတဲ့အတွက် သံသယဝင်လာရင်းကနေ အဲဒီဖုန်းနံပါတ်ရဲ့ ထူးဆန်းတဲ့အချက်ကို ရှာတွေ့သွားခဲ့ပါတယ်။
ဒုတိယဇာတ်လမ်းကတော့ ကျောင်းတွင်းအဖွဲလိုက်အနိုင်ကျင့်တဲ့သူတွေ လက်စားချေခံရတာကို သွေးသံတရဲရဲနဲ့ ကြည့်ရှုကြရမှာပါ။ တတိယဇာတ်လမ်းမှာတော့ သရဲဇာတ်လမ်းပြောရတာကြိုက်တဲ့ သူငယ်ချင်းလေးယောက်အကြောင်းကို horror ဆန်ဆန် ရိုက်ပြထားပါတယ်။ နောက်ဆုံးဇာတ်လမ်းကတော့ လေယာဥ်ပေါ်က လေယာဥ်မယ်လေးရဲ့အဖြစ်ကို ရင်တထိပ်ထိပ်နဲ့ ကြည့်ရှုသွားရမှာပါ။
