စံရိပ်ငြိမ်ဂမုန်းပွင့်နားမှာ ပျောက်ဆုံးသွားခဲ့တဲ့ အမျိုးသမီးကို ခဝဲခြံဈေးနားမှာ အသိစိတ်ပျောက်လျက် ပြန်လည်တွေ့ရှိ (အရမ်းကြောက်ဖို့ ကောင်းနေပါပြီ)
ရန်ကုန် စံရိပ်ငြိမ် ဂမုန်းပွင့်နားမှာ ပျောက်ဆုံးသွားခဲ့တဲ့ အမျိုးသမီးကို ၄၈ နာရီကြာမှာ ပြန်လည်တွေ့ရှိခဲ့ပြီ ဖြစ်ပါတယ်။ ယနေ့ (၃-၂-၂၀၂၅) မနက် ၁၁ နာရီ ၁၅ မိနစ်မှာ ခဝဲခြံဈေးနားမှာ အသိစိတ်ပျောက်လျက် အနေအထားနဲ့ ပြန်လည်တွေ့ရှိခဲ့တယ်လို့ သိရပါတယ်။ ပြန်တွေ့ချိန်မှာ အကြောက်လွန်နေပြီး အတင်းရုန်းကန် တုန်လှုပ်နေတာကြောင့် လူအများကြီး ဝိုင်းဝန်းချု-ပ်ကိုင်ကာ ခေါ်ယူလာရတယ်လို့ သိရပါတယ်။ လတ်တလောမှာ မည်သည့်အကြောင်းရာမျှ မေးလို့ မရသေးဘူးလို့ သိရပါတယ်။
လက်ရှိအချိန်မှာ အမျိုးသမီး အများအပြား ပျောက်ဆုံးနေတာကြောင့် အထူး ဂရုပြုကြရန် လိုအပ်ပါတယ်။ ပြည်သူကို ကာကွယ်ပေးရမယ့် အဖွဲ့အစည်းတွေ ကိုယ်တိုင် ကိုယ့်အဖွဲ့အစည်းကို မကာကွယ်နိုင်တဲ့အချိန်မှာ ပြည်သူ အချင်းချင်းပဲ ကာကွယ်ရမယ့် အချိန် ဖြစ်နေပါပြီ။ အမျိုးသမီးများ တဦးတည်း လုံးဝ အပြင်မထွက်သင့်တော့ပါဘူး။ လူတွေ အများကြီး ရှိတဲ့ နေရာမှာတောင် အခုလို ပျောက်ဆုံးသွားနိုင်ကြောင်း အသိပေးလိုက်ရပါတယ်။
