93 စီးပြီး ပြန်လာတော့မယ့် ရာမို့စ်
------------
ရီရဲလ်မက်ဒရစ်နောက်ခံလူဟောင်းကြီး ရာမို့စ်ကတော့ မက္ကဆီကိုကလပ် ရာယာဒေါ့စ်ကို ပြောင်းရွှေ့ဖို့အတွက် စီစဉ်နေပါတယ်။ ရာမို့စ်အနေနဲ့ ရာယာဒေါ့စ်အသင်းကို တောင်းဆိုထားတဲ့ အရာတွေထဲမှာ တစ်ခုကတော့ ထူးခြားပါတယ်။
ရာမို့စ်ဟာ ရာယာဒေါ့စ်မှာ ကျောနံပါတ် ၉၃ ကို ဝတ်ဆင်ဖို့အတွက် တောင်းဆိုထားတာဖြစ်ပြီး၊ ဒီ နံပါတ် ၉၃ ဟာ ရာမို့စ်အတွက်ရော ပြိုင်ဘက်ဟောင်းကြီး အက်သလက်တီကိုအတွက်ပါ အမှတ်တရတွေရှိနေတာပါ။
အဲ့ဒါကတော့ အခြားမဟုတ်ပါဘူး၊ ရီရဲလ်နဲ့ တီကိုတို့ရဲ့ ၂၀၁၄ ချန်ပီယံလိဂ်ဖိုင်နယ် အချိန်ပို ၉၃ မိနစ်မှာ ရာမို့စ်ရဲ့ ခေါင်းတိုက်ဂိုးနဲ့ ရီရဲလ်တို့ခြေပဂိုးရသွားပြီး၊ နောက်ပိုင်းမိနစ်တွေမှာ ရီရဲလ်ကိုအနိုင်ဂိုးတွေပေးပြီး ရှုံးခဲ့တာကြောင့် တီကိုတို့အတွက် ရတောင့်ရခဲ ချန်ပီယံလိဂ်ဆုဖလားကြီးကို လက်တစ်ကမ်းအလိုရောက်မှ လက်လွှတ်ခဲ့ရတာဖြစ်ပါတယ်။ ဒါကြောင့် ဒီနံပတ် ၉၃၊ ဒီအချိန်ပိုနံပါတ် ၉၃ ဟာ တီကိုအတွက် မုန်းစရာအမှတ်တရကိန်းဂဏန်းတစ်ခုဖြစ်နေခဲ့ပြီး၊ ရီရဲလ်မက်ဒရစ်နဲ့ရာမို့စ်အတွက်တော့ လုံးဝလာဘ်ကီးနံပါတ်တစ်ခုဖြစ်နေတာပါ။
ရာမို့စ်အတွက်တော့ ဒီနံပတ် ၉၃ ဟာ သူပြန်လာပြီ၊ အရှုံးမပေးသေးဘူး ဆိုတဲ့ အဓိပ္ပာယ်နဲ့ ဝတ်ဆင်မှာဖြစ်ပြီး၊ ဒီသီတင်းကြောင့် တီကို တို့အနာပေါ်ဒုတ်ကျသလို ဖြစ်နေမှာလည်း အမှန်ပါ။
