ကမ္ဘာပေါ်က လူနေထိုင်တဲ့ အသေးဆုံးကျွန်း - (Just
Room Enough Island)
˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚˚
Just Room Enough Island ဟာ အမေရိကန်ပြည် ထောင်စု၊ နယူးယောက်ပြည်နယ်၊ Alexandria Bay
အနီးက Thousand Islands ကျွန်းစုထဲမှာ ပါဝင်ပြီး၊
St. Lawrence မြစ်ထဲမှာ တည်ရှိတဲ့ ထူးခြားတဲ့ ကျွန်း
ငယ်လေးတစ်ကျွန်း ဖြစ်ပါတယ်။
မူလက Hub Island လို့ ခေါ်တွင်ခဲ့ပေမယ့်၊ 1950 ခုနှစ်ဝန်းကျင်မှာ Sizeland မိသားစုက ဝယ်ယူပြီးနောက်ပိုင်းမှာတော့ Just Room Enough Island လို့ နာမည်တွင်လာခဲ့တာဖြစ်ပါတယ်။
နာမည်အတိုင်းပဲ ဒီကျွန်းလေးဟာ အိမ်တစ်လုံးနဲ့ သစ်ပင်တစ်ပင် စိုက်ဖို့ နေရာလောက်ပဲ ကျယ်ဝန်းပြီး၊ ဧရိယာအားဖြင့် 3,300 စတုရန်းပေ (310 စတုရန်းမီတာ) ဝန်း ကျင်သာ ရှိပါတယ်။
ဒါကြောင့်လည်း ကမ္ဘာပေါ်မှာ လူနေထိုင်တဲ့ အသေးဆုံးကျွန်းအဖြစ် သတ်မှတ်ခံရလေ့ရှိပါတယ်။
Sizeland မိသားစုဟာ တိတ်ဆိတ်အေးချမ်းတဲ့ ပတ်ဝန်း ကျင်မှာ အပန်းဖြေဖို့ ရည်ရွယ်ချက်နဲ့ ဒီကျွန်းလေး ကို ဝယ်ယူခဲ့ပြီး၊ အိမ်လေးတစ်လုံးဆောက်လုပ်ကာ သစ်ပင်တစ်ပင် စိုက်ပျိုးခဲ့ကြပါတယ်။
ရေလှိုင်းတွေရဲ့ တိုက်စားမှုဒဏ်ကနေ ကာကွယ်ဖို့အတွက် အိမ်ရဲ့ ပတ်ပတ်လည်မှာ ကျောက်တုံးနံရံလေးတွေ ကာရံထားတာကိုလည်း မြင်တွေ့နိုင်ပါတယ်။
ဒါ့အပြင် ကျွန်းပေါ်မှာ သက်တောင့်သက်သာ နေထိုင်နိုင်ဖို့အတွက် လျှပ်စစ်နဲ့ ရေပိုက်လိုင်းတွေကိုလည်း သွယ် တန်းထားတာက ဒီကျွန်းလေးရဲ့ နေထိုင်မှု အဆင့်အတန်းကို ပြသနေပါတယ်။
Just Room Enough Island ဟာ သေးငယ်ပေမယ့် ထူးခြားတဲ့ တည်ရှိမှု နဲ့ အတူ Thousand Islands ဒေသကို လာရောက်လည်ပတ်သူတွေရဲ့ စိတ်ဝင်စားမှုကို ဖမ်း စားနိုင်တဲ့ နေရာလေးတစ်ခု ဆိုရင်လည်းမမှားပါဘူး။
ဒီကျွန်းလေးဟာ Sizeland မိသားစုရဲ့ ပုဂ္ဂလိက ပိုင်ဆိုင်မှုဖြစ်ပေမယ့်၊ သဘာဝအလှတရားတွေ ဝန်းရံထားပြီး တိတ်ဆိတ်အေးချမ်းတဲ့ နေရာမှာ အပန်းဖြေဖို့ ရှာဖွေနေသူတွေအတွက်တော့ Just Room Enough Island ကျွန်းလေးက အိပ်မက်တစ်ခုလို ဖြစ်နေမှာ အသေအချာပါပဲ။