ဘိန်းစာရွက်ပြုတ်ရည်ကို အုပ်စုဖွဲ့သောက်နေကြသည့် မြန်မာ ၂၆ ဦးကို ထိုင်းဥပဒေအရ အရေးယူရန် ဖမ်းဆီးထား
ဇန်နဝါရီ ၃၁
ဘိန်းစားရွက်ပြုတ်ရည်ကို အုပ်စုဖွဲ့သောက်နေကြသည့် မြန်မာ ၂၆ ဦးကို ထိုင်းဥပဒေအရ အရေးယူရန် ဖမ်းဆီးထားကြောင်း ထိုင်းဒေသတွင်း သတင်းများအရ သိရသည်။
ယမန်နေ့ ဇန်နဝါရီလ ၂၉ ရက် ညနေ ၅ နာရီခွဲခန့်အချိန်တွင် စမွတ်စခွန်ခရိုင် လူဝင်မှုကြီးကြပ်ရေးအဖွဲ့ဦးဆောင်သော ပြည်သူ့ကျန်းမာရေး အုပ်ချုပ်ရေး ပူးပေါင်းဆောင်ရွက်ရေး အဖွဲ့က လိုက်လံစစ်ဆေးမှုပြုလုပ်စဉ် ဘိန်းစာရွက်ပြုတ်ရည် သောက်နေကြသည့် မြန်မာနိုင်ငံသား အုပ်စုတစ်စုကို တွေ့ရှိသည့်အတွက် ဖမ်းဆီးလိုက်ခြင်းဖြစ်ကြောင်း သိရသည်။
ယင်းတို့ကို ဘိန်းစားရွက်ပြုတ်ရည်ရောင်းချသူသော စမွတ်ဆာခွန်ခရိုင်၊ ကထုန့်ဘဲင်မြို့နယ်၊ အမှတ် (၆)၊ ခေါင်မဒူကျေး ရွာ၊ ထိုင်းနိုင်ငံသားတစ်ဦး၏တိုက်ခန်းအတွင်းဝင်ရောက် စစ်ဆေးစဉ်တွေ့ရှိခဲ့ခြင်းဖြစ်ပြီး လူ ၃၀ တွင် ၂၆ ဦးက ဘိန်းစာရွက်ပြုတ်ရည်သောက်နေကြကြောင်း သိရသည်။
ထို့ကြောင့် သောက်သုံးကြသည့် ၂၆ ဦးကို ဖမ်းဆီးခဲ့ခြင်း ဖြစ်ကြောင်း၊ ယင်းမြန်မာနိုင်ငံသားလူငယ်များမှာ ထိုင်းနိုင်ငံသို့ တရားဝင်ရောက်ရှိနေသူများ ဖြစ်ကြောင်း၊ သို့သော်လည်း ထိုင်းနိုင်ငံ ဥပဒေကို ချိုးဖောက်သောကြောင့် ဖမ်းဆီးခဲ့ခြင်းဖြစ်ကြောင်း စမွတ်ဆာခွန်ခရိုင်ပြန်ကြားရေးဌာန၏ ထုတ်ပြန်ချက်ကို ကိုးကား၍ ဒေသတွင်း သတင်းများက ရေးသားကြသည်။
လက်ရှိတွင် ကထုန့်ဘဲင်ရဲစခန်း၌ ဘိန်းစာရွက်ပြုတ်ရည်ရောင်းသော ထိုင်းနိုင်ငံသားနှင့် မြန်မာနိုင်ငံသားတို့ကို ထိန်းသိမ်းထားပြီး ဥပဒေအရ အရေးယူဆောင်ရွက်မည် ဖြစ်ကြောင်းလည်း သိရသည်။
ပြီးခဲ့သည့် ဇန်နဝါရီလ ၁၉ ရက်ကလည်း စမွတ်ဆာခွန်ခရိုင်၊ ကထုန့်ဘဲင်မြို့နယ်၊ အမှတ် (၆)၊ အောင့်နွဲ့ကျေးရွာတွင် ဘိလိယက်ခုံဖြင့် တွဲပြီးဖွင့်ထားသည့် ဈေးဆိုင်တစ်ဆိုင်၌ ဘိန်းစာရွက်ပြုတ်ရည်တမြမြနှင့် ဘိလိယက် ထိုးနေကြသည့် မြန်မာနိုင်ငံသား ၃၀ ကျော် အဖမ်းခံခဲ့ရသေးသည်။
#centralnewsnaypyitaw
+6
