ဆရာကြီး မောင်ခင်မင် (ဓနုဖြူ)၏ ရုပ်အလော-င်းကို ရေဝေးသုသာန်သို့ အခမ်းအနားပြင်ဆင်ရန် သယ်ဆောင်
ကွယ်လွန်ခဲ့ပြီဖြစ်သော မြန်မာစာပေလောက၌ ထင်ရှားကျော်ကြားသည့် မြန်မာစာဆရာအငြိမ်းစား မြန်မာစာပါမောက္ခဖြစ်သည့် ဆရာကြီး မောင်ခင်မင် (ဓနုဖြူ) ၏ ရုပ်အလေ-ာင်းကို ရေဝေးသုသာန်သို့ အခမ်းအနားပြင်ဆင်ရန် သယ်ဆောင်သွားပြီဖြစ်သည်။
မြန်မာစာပါမောက္ခဖြစ်သည့် ဆရာကြီး မောင်ခင်မင် (ဓနုဖြူ) သည် (ဇန်နဝါရီ ၂၇ ရက်) နေ့ ညက ကွယ်လွန်သွားခြင်း ဖြစ်သည်။
ဆရာကြီးသည် ကွယ်လွန်ချိန်တွင် အသက် (၈၄) နှစ်ရှိပြီဖြစ်ကာ လူကြီးရောဂါဖြင့် ရုတ်တရက်ကွယ်လွန်သွားခြင်း ဖြစ်သည်။
၁၉၄၂ ဇန်နဝါရီ ၂ရက်တွင် ဧရာဝတီတိုင်း ဓနုဖြူမြို့နယ်၌ မွေးဖွားခဲ့သည့် ဆရာကြီး မောင်ခင်မင် (ဓနုဖြူ) ၏ အမည်အရင်းသည် ဦးခင်အေးဖြစ်ပြီး နိုင်ငံ့ဝန်ထမ်းအဖြစ်မှ ၂၀၀၂ ခုနှစ်၌ အငြိမ်းစားယူခဲ့ခြင်း ဖြစ်သည်။
ဆရာကြီးသည် အမျိုးသားစာပေဆု၊ စာပေဗိမာန်ဆု၊ ဂုဏ်ထူးဆောငိ စာပေပါရဂူဘွဲ့များ ချီးမြှင့်ခံခဲ့ရပြီး မြန်မာစာပေနှင့် ပတ်သက်သည့် စာအုပ်ပေါင်း သုံးဆယ်နီးပါးကို မောင်ခင်မင် (ဓနုဖြူ) အမည်ဖြင့် ရေးသားထားခဲ့သည်။
