ဝန်ထမ်းတွေရဲ့ သပိတ်ကြောင့် ဘင်္ဂလားဒေ့ရှ်မှာ ရထားပြေးဆွဲမှုတွေ ရပ်ဆိုင်း

ဒါကာ၊ ဇန်နဝါရီ ၂၈

ဘင်္ဂလားဒေ့ရှ်နိုင်ငံမှာ ရထားဝန်ထမ်းတွေဟာ အချိန်ပိုအတွက် အကျိုးခံစားခွင့် တောင်းဆိုမှုအဖြစ် တနိုင်ငံလုံး အတိုင်းအတာနဲ့ သပိတ်မှောက်နေတာကြောင့် ဒီကနေ့မှ မီးရထားပြေးဆွဲမှုတွေ ရပ်ဆိုင်းခဲ့ပါတယ်။

အချိန်ပိုလုပ်ခနဲ့ ပင်စင်ခံစားခွင့်တွေကြောင့် ကာလရှည်ကြာ အငြင်းပွားမှုမှာ ရထားဝန်ထမ်းတွေ အလုပ်ထုတ်ခံခဲ့ရပြီး တောင်းဆိုချက်တွေကို လက်ခံဖို့ လာမယ့်တနင်္လာနေ့ထိ အာဏာပိုင်တွေကို အချိန်ပေးထားတယ်လို့ အလုပ်သမား သမဂ္ဂက ပြောပါတယ်။

အလုပ်သမားတွေရဲ့ သပိတ်မှောက်မှုကြောင့် ခရီးသည်တင်ရထား ၄၀၀ ကျော်ရဲ့ လုပ်ငန်းလည်ပတ်တာတွေ ထိခိုက်ခဲ့ပြီး မြို့တွင်း ပို့ဆောင်ရေး ၁၀၀ ကျော်နဲ့ ကုန်တင်ရထား သုံးဒါဇင်ကျော်တို့ပါဝင်ကာ ဒီရထားတွေနဲ့ နေ့စဉ် ခရီးသည် နှစ်သိန်းငါးသောင်းကို ပို့ဆောင်နေပေးနေတာဖြစ်ပါတယ်။

ဘင်္ဂလားဒေ့ရှ် ရထားပို့ဆောင်ရေး ဝန်ကြီးဌာနကတော့ အရေးကြီးလမ်းကြောင်းအချို့မှာ ပြေးဆွဲနေတဲ့ ဘတ်စ်ကားဝန်ဆောင်မှုတွေမှာ ရထားစီးခရီးသည်တွေအနေနဲ့ ရထားကြိုတင်လက်မှတ်တွေကို အသုံးပြုပြီး စီးနင်းနိုင်မယ်လို့ ပြောပါတယ်။

မီးရထားဌာနက ဝန်ထမ်းတွေရဲ့ တောင်းဆိုချက်တွေကို ဖြည့်ဆည်းပေးဖို့ အစွမ်းကုန်ကြိုးပမ်းနေပြီး ဘဏ္ဍာရေးဝန်ကြီးနဲ့လည်း ဆွေးနွေးမှုများလုပ်ဆောင်နေကာ အလုပ်သမားများကို သပိတ်ရုပ်သိမ်းပေးရန် ရထားဝန်ကြီးဌာနက တိုက်တွန်းစထားသည်။

ရထားမောင်းသူတွေ၊ လက်ထောက်တွေ၊ တွဲစောင့်နဲ့ လက်မှတ်စစ်စတဲ့ လူအင်အားမလုံလောက်မှုကြောင့် ရထားဝန်ထမ်းတွေဟာ သတ်မှတ်နာရီထက်ပိုပြီး အလုပ်လုပ်ကို်ငနေကြရပါတယ်။ ဒါပေမယ့်လည်း အချိန်ပိုအလုပ်အပေါ် အခြေခံပြီး ပင်စင်ခံစားခွင့်တွေကို ၂၀၂၁ ခုနှစ်မှာ အစိုးရက ရုပ်သိမ်းပြီးနောက် အလုပ်သမားတွေရဲ့ ကန့်ကွက်မှုတွေ ထွက်ပေါ်လာတာဖြစ်ပါတယ်။

Ref:Reuters
Photo:Reuters

#သတင်းဟင်းလေးအိုးကြီး