"အိမ်ထောင်ရေးကို ပျက်စီးစေနိုင်သော အဆိပ်သင့်ဆက်ဆံရေး"
"မိသားစု" ဆိုတာ ခင်ပွန်းသည်နဲ့ဇနီးသည်တို့ကအချစ်ကို အခြေခံပြီး တည်ဆောက်ဖန်တီးကြရတဲ့"အသိုက်အမြုံ" ဖြစ်ပါတယ်။ဒါကြောင့် "မိသားစု"တိုင်းဟာ "Heaven in Earth" ဖြစ်သင့်ပါတယ်။ဒါပေမဲ့ တခါတလေမှာ လောကဓံအနိမ့်အမြင့်/အတက်အကျတွေကြောင့်အိမ်ထောင်ရေးမှာ မုန်တိုင်းထန်တဲ့ အချိန်တွေရှိလာနိုင်ပြီးလင်နဲ့မယားဆက်ဆံရေးတွေဟာလည်း အဆိပ်သင့်နေသလို သာယာမှု ပျောက်ဆုံးရတဲ့ အချိန်တွေလည်း ရှိလာနိုင်ပါတယ်။ဒါကို ကာယကံရှင်ဖြစ်တဲ့ ဇနီးမောင်နှံတွေကိုယ်တိုင်ကတောင် မသိ အဆိပ်သင့်လို့ သင့်မှန်းတောင်သတိမမူမိဘဲ ဒီကာလတွေက ရှည်ကြာနေတာမျိုးလည်းဖြစ်လာနိုင်ပါတယ်။ဒါကြောင့် အိမ်ထောင်ရေးမှာ အဆိပ်သင့်နေတဲ့ ဆက်ဆံရေးတွေရဲ့ စရိုက်လက္ခဏာ(၇) ချက် ကတော့
(၁)ခင်ပွန်းသည်နဲ့ဇနီးသည်တို့က အပြန်အလှန်ပံ့ပိုးမှုမရှိကြခြင်း။
(၂)ဇနီးမောင်နှံနှစ်ယောက်လုံး self-care/self-love မရှိဘဲ ကိုယ့်ခံစားမှုအတိုင်း ပြုမူနေထိုင်ခြင်း။
(၃)ကိုယ်က မပြောင်းလဲချင်ဘဲ ကိုယ့်အိမ်ထောင်ဖက်ကပဲ ပြောင်းလဲလာဖို့ မျှော်လင့်နေခြင်း။
(၄)ကိုယ့်အိမ်ထောင်ဖက်ကို အမြဲသံသယဝင်နေခြင်း။(၅)ကိုယ့်အိမ်ထောင်ဖက်ရဲ့ အားနည်းချက်ကိုပဲ အပြစ်ရှာပြောနေခြင်း။
(၆)ကိုယ့်အိမ်ထောင်ရေးအကြောင်းကို အများရှေ့မှာ လုပ်ကြံဖန်တီးပြောဆိုတတ်ခြင်း။
(၇)လင်နဲ့မယား နှစ်ယောက်လုံး အပြန်အလှန် ဂရုမစိုက်ခြင်း/ဥပေက္ခာပြုနေခြင်း တို့ပဲဖြစ်ပါတယ်။
တစ်ကယ်လို့ ကိုယ့်အိမ်ထောင်ရေးမှာ ခုလို အပြုအမူနဲ့ ဆက်ဆံရေးတွေရှိနေပြီဆိုရင် အမြန်ဆုံး "အဆိပ်ဖြေဆေး" ရှာဖို့ လိုအပ်ပါတယ်။အဆိပ်သင့်နေတဲ့ ဆက်ဆံရေးတွေအတွက် အဆိပ်ဖြေဆေးတွေကတော့
(၁)ဇနီးမောင်နှံ အပြန်အလှန်တစ်ယာက်ရဲ့တစ်နေ့တာလုပ်ရှားမှုကို တစ်ယောက်နဲ့တစ်ယောက်အသိပေးခြင်း။
(၂)ဇနီးမောင်နှံတွေက ချစ်ခြင်းမေတ္တာအပြည့်နဲ့အပြန်အလှန် ပံ့ပိုးကူညီခြင်း။
(၃)ကိုယ့်မိသားစုကို ချစ်ရင် ကိုယ့်ကိုယ်ကိုယ်နဲ့ ကိုယ့်စိတ်ကျန်းမာရေး ကို ဂရုစိုက်ခြင်း။
(၄)အိမ်ထောင်ရေးသာယာဖို့ ကိုယ်ကိုယ်တိုင်က စတင်ပြောင်းလဲနေထိုင်ခြင်း
(၅)အိမ်ထောင်ဖက်ရဲ့ အားသာချက်ကိုတွေကို အသိအမှတ်ပြုပေးခြင်း။
(၆)လင်နဲ့မယား အပြန်အလှန် ဂရုစိုက်ခြင်း/မေတ္တာပြ ခြင်း /နှစ်ယောက်အတူတူ quality time ရှိခြင်းတို့ပဲ ဖြစ်ပါတယ်ရှင်။
ညနေမိုး(ကလေး)
#nyanaymoe-Kalay
#jacob Sang
#moe&USA