ပစိဖိတ်သမုဒ္ဒရာအတွင်းမှာဖုံးကွယ်နေတဲ့ ကမ္ဘာ့
အမြင့်ဆုံးတောင်
ကမ္ဘာ့အမြင့်ဆုံးတောင်များအကြောင်း ပြောဆိုကြတဲ့အခါ အများစုက ဧဝရတ်တောင်ကိုသာ ပြေးမြင်ကြမှာပါ။ ပင်လယ်ရေမျက်နှာပြင်အထက် အမြင့် ၈,၈၄၈.၈၆ မီတာ (၂၉,၀၃၁.၇ ပေ) နဲ့ တည်ရှိနေတဲ့ ဧဝရတ်တောင်ဟာ ကမ္ဘာ့အမြင့်ဆုံးတောင်ဆိုတဲ့ မှတ်တမ်းကို ပိုင်ဆိုင်ထားတာ အမှန်ပါပဲ။
ဒါပေမဲ့ တောင်တစ်လုံးရဲ့ အမြင့်ကို တိုင်းတာတဲ့အခါ မတူညီတဲ့ နည်းလမ်းနှစ်ခု ရှိပါတယ်။ ပထမတစ်နည်းကတော့ အခုပြောခဲ့တဲ့အတိုင်း ပင်လယ်ရေမျက်နှာပြင်အထက်ကနေ တိုင်းတာခြင်းဖြစ်ပြီး ဒုတိယနည်းလမ်းကတော့ တောင်ရဲ့အခြေစိုက်ရာ အောက်ခြေကနေ တောင်ထွတ်အထိ တိုင်းတာခြင်းပဲ ဖြစ်ပါတယ်။
အဲဒီဒုတိယနည်းလမ်းနဲ့ တိုင်းတာမယ်ဆိုရင်တော့ ကမ္ဘာ့အမြင့်ဆုံးတောင်ဟာ ဟာဝိုင်ရီကျွန်းမှာရှိတဲ့ မောင်နာကီယာတောင် ဖြစ်ပါတယ်။ မောင်နာကီယာတောင်ဟာ ပင်လယ်ကြမ်းပြင်မှာ အခြေစိုက်ထားပြီး တောင်ထိပ်အထိ စုစုပေါင်းအမြင့် ၁၀,၂၁၁ မီတာ (၃၃,၄၉၇ ပေ) ရှိပါတယ်။ ဒါဟာ ဧဝရတ်တောင်ထက် ၁.၃ ကီလိုမီတာ (၄,၃၀၀ ပေ) လောက် ပိုမြင့်ပါတယ်။
ဒါပေမဲ့ မောင်နာကီယာတောင်ရဲ့ တစိတ်တပိုင်းဟာ ရေအောက်မှာ ရှိနေတာကြောင့် ပင်လယ်ရေမျက်နှာပြင်အထက်မှာတော့ ၄,၂၀၇ မီတာ (၁၃,၈၀၂ ပေ) သာ မြင့်ပါတယ်။
ဒီအချက်ကပဲ ဧဝရတ်တောင်ကို ကမ္ဘာ့အမြင့်ဆုံးတောင်အဖြစ် ဆက်လက်သတ်မှတ်စေတဲ့ အဓိကအကြောင်း ရင်းဖြစ်ပါတယ်။ ဘာလို့လဲဆိုတော့ ကမ္ဘာ့အမြင့်ဆုံးတောင်ကို တိုင်းတာတဲ့ စံနှုန်းဟာ ပင်လယ်ရေမျက်နှာ ပြင်အထက် အမြင့်ကို အဓိကထား သတ်မှတ်ထားတာကြောင့် ဖြစ်ပါတယ်။
ဒါပေမဲ့ အခြေကနေ တောင်ထွတ်အထိ အမြင့်ကို ထည့်တွက်မယ်ဆိုရင်တော့ ပစိဖိတ်သမုဒ္ဒရာအတွင်းမှာဖုံးကွယ်နေတဲ့ မောင်နာကီယာတောင်ဟာ ကမ္ဘာ့အမြင့်ဆုံးတောင်ဆိုတဲ့ ဂုဏ်ပုဒ်ကို ပိုင်ဆိုင်မှာဖြစ်ပါတယ်။
#timespectrum
#knowledge
