🍲 ကြက်ပဲပြား
ကြက်သား - ၂၀ ကျပ်သား
ပဲပြား - ၃ တုံး
ကိုရီးယားမုန်ညှင်း - ၁၀ ပင်
ဆီ - ၂ စွန်း
ပဲငံပြာရည် - အနည်းငယ်
ငရုတ်သီးအနှစ် - အနည်းငယ်
ဝိုင် - အနည်းငယ်
ကြက်သွန်ဖြု - အနည်းငယ်
ပြုလုပ်နည်း
ကြက်သားကို ရေဆေးပြီး အရွယ်တော်အတုံးလေးများတုံးပါ။ ဆား၊ ငရုတ်ကောင်းမှုန့်၊
သကြား၊ ပဲငံပြာရည်တို့ဖြင့် နှယ်ထားပါ။ ကိုရီးယားမုန်ညှင်းကို ရေဆေးပြီး ဇကာဖြင့် စစ်ထားပါ။
ကြက်သွန်ဖြူကိုထောင်းထားပါ။ ပဲပြားများကို အနှစ်တိုက်ထားပါ။ ဆီအိုးတည်ပြီး ဆီကျက်လျှင် ကြက်သွန်ဖြူဆီသတ်၍ ကြက်သားများကို ထည့်ကာ နီလာသည်အထိကြော်ပေးပါ။
ကြက်သားကျက်ပါက စစ်ထားပြီး ကျန်သည့်ဆီတွင် ငရုတ်သီးအနှစ်ထည့် ပဲငံပြာရည်၊ သကြား၊ ဆားအနည်းငယ်စီထည့်၍ ကြော်ထားသောကြက်သားများထည့်မွှေပါ။
ပြင်ဆင်ရန်မှာ ပန်းကန်အောက်တွင် ကိုရီးယားမုန်ညှင်းများ ခင်းလိုက်ပါ။ အပေါ်မှချက်ထားသော ကြက်ပဲပြားများကို ခင်းလိုက်ပါ။ ပိုသော ကိုရီးယားမုန်ညှင်းများကို ဘေးတွင်စီထည့်၍ စားသုံးနိုင်ပါပြီ။
