မြန်မာနိုင်ငံရဲ့ အကောင်းဆုံး Jungler လို့ ပြောလိုက်ပြီဆိုတာနဲ့ ချန်လှပ်ထားခဲ့လို့ မရတဲ့ လူငယ်ကစားသမားလေး Niko
အသက်ငယ်ပေမယ့် Retri Skill က အရမ်းကိုမှ ကြောက်ဖို့ကောင်းပြီး Jungler Role ကို ပိုင်နိုင်စွာ ကစားနိုင်သူတစ်ယောက်
Niko ဟာ Burmese Ghouls အသင်းမှာ M4 Myanmar Qualifier ကနေ M5 World Championship ပြိုင်ပွဲအထိ Jungler Role ကို ဆော့ကစားခဲ့တာ ဖြစ်ပါတယ်။ ထိုအချိန်က Niko ဟာ အတွေ့အကြုံနည်းသေးတဲ့ ကစားသမားတစ်ယောက်ဖြစ်ပေမယ့် ဝါရင့် ကစားသမား ACE, Kenn, Fayyan အစရှိတဲ့ ကစားသမားတွေနဲ့ အပြိုင် Retri ယှဉ်ပေါက်ကာ Objective အရယူနိုင်ခဲ့တဲ့ သူတစ်ယောက်ပါ။
Niko ရဲ့ Retri Skill ဟာ ဘယ်လောက်တောင်ကြောက်ဖို့ကောင်းလဲဆိုရင် သူ့ဘက်က Teammate တွေ ကျနေတယ်ဆိုရင်တောင် သူ မသေသေးရင် တစ်ဖက်အသင်းက Objective ကို ရဲရဲမလုပ်ရဲအောင် လုပ်နိုင်တဲ့ အစွမ်းသတ္တိ သူ့မှာ ရှိပါတယ်။
ဒါပေမယ့် ထုံးစမ်းအတိုင်း အတွေ့အကြုံမရှိ လူငယ်ကစားသမားတစ်ယောက်ဖြစ်တာကြောင့် တစ်ကယ့်တစ်ကယ် World Championship ပြိုင်ပွဲဖြစ်တဲ့ M5 ယှဉ်ပြိုင်ချိန်မှာတော့ Niko ဟာ Local မှာနဲ့မတူပဲ စွမ်းဆောင်ရည်ကျဆင်းနေတာကို မြင်တွေ့ခဲ့ရပါတယ်။ ဒါ့ကြောင့်ပဲ ပရိတ်သတ်တွေရဲ့ ဝေဖန်ပြောဆိုဒဏ်တွေကို ခါးသီးစွာ ရင်ဆိုင်ခဲ့ရပါတယ်။
M5 ပြိုင်ပွဲအပြီးမှာတော့ Burmese Ghouls အသင်းဟာ ဖိလစ်ပိုင်ကစားသမားတစ်ချို့ကို ခေါ်ယူကာ အသင်းကို ပြင်ဆင်မှုတစ်ချို့ ပြုလုပ်ခဲ့ပါတယ်။ ဒီထဲမှာ Jungler ကစားသမားတစ်ယောက်ဖြစ်တဲ့ Saxa ကိုလည်း ခေါ်ယူခဲ့တာကြောင့် Niko အနေနဲ့ Mid Laner အဖြစ် ပွဲထွက်လာတာကို မြင်တွေ့ခဲ့ရပါတယ်။ ကျွန်တော့်အမြင်မှာတော့ Saxa ရောက်လာလို့ Niko အနေနဲ့ Mid Laner အဖြစ် ဆင်းဆော့လိုက်ရတာမဟုတ်ပဲ သူ့ကိုယ်တိုင် Mid Lane ဆော့ချင်လို့လို့ ထင်ပါတယ်။
International မှာဆိုရင်လည်း Jungler ကနေ Mid Lane ကို ဆင်းကစားပြီး အောင်မြင်နေကြတဲ့ Celiboy တို့၊ Sanz တို့လည်း ရှိနေကြတာပဲလေ.....
လက်ရှိအချိန်မှာတော့ Niko ဟာ Young Legion မှာ ရှိနေတာဖြစ်ပြီး Niko Young Legion ကို ရောက်မယ်ဆိုတုန်းကလည်း ပရိတ်သတ်တွေအနေနဲ့ Niko ကို Jungler Role မျှော်လင့်ခဲ့ကြပေမယ့် Mid Laner အဖြစ်ပဲ Young Legion အတွက် ပွဲထွက်ခဲ့ပါတယ်။
ဒါ့အပြင် Niko ဟာ Mythic Seal ကို ရောက်မယ်ဆိုတဲ့ ကောလဟာလ သတင်းတွေကလည်း ထွက်နေပါသေးတယ်။
Official ပြိုင်ပွဲ Qualifier ​တော်တော်များများမှာ ဒုတိယလူအဖြစ်နဲ့သာ ရပ်တည်နိုင်ခဲ့တဲ့ Mythic Seal အနေနဲ့ ပြီးခဲ့တဲ့ M6 အပြီးမှာ အသင်းရဲ့ ကစားသမားအားလုံးကို ထုတ်ပယ်ခဲ့ပြီး ဝါရင့် Player Rubydd, Kenn, Justin, Zippy တို့ကိုသာ ချန်လှပ်ထားတာ ဖြစ်ပါတယ်။
လက်ရှိ Mythic Seal ရဲ့ Role လိုအပ်ချက်ဟာ Roamer ဖြစ်တယ်ဆိုပေမယ့် Kenn အနေနဲ့ တစ်ချို့ပြိုင်ပွဲတွေမှာလည်း Narukii ကို ဉီးစားပေးပြီး ကစားစေခဲ့တာကို မြင်ခဲ့ရသေးတာကြောင့် Mythic Seal Niko ဆိုတာ ဖြစ်နိုင်ချေရှိပါသေးတယ်။ နောက်ပြီး Justin ရဲ့ အရိုက်အရာကို ဆက်ခံမယ့် Mid Lane Player လည်း ဖြစ်ကောင်းဖြစ်သွားနိုင်ပါတယ်။