ပဲကြာဇံကြော်
ပါဝင်ပစ္စည်းများ
ပဲကြာဇံ - တစ်ပွဲစာ (လက်တစ်ဆုပ်စာ)
ကြက်သွန်နီ - တစ်လုံး
ကြက်ဥ - တစ်လုံး
ကြက်ရင်ပုံသား - ခပ်သေးသေး တစ်ခု
ဘရော့ကိုလီ - ၅ခက်ခန့်
မုန်လာဥနီ - အနည်းငယ်
ဘေဘီပြောင်းဖူး - ငါးဖူး
ဂေါ်ဖီ - တစ်စိတ်
ကိုက်လန် - နှစ်ပင်
ကြက်သွန်မိတ် - နှစ်ပင်
ငါးငံပြာရည် - ထမင်းစားဇွန်း တစ်ဇွန်းခွဲ
ဆား - အနည်းငယ်
ခရုဆီ - ထမင်းစားဇွန်း တစ်ဇွန်း
ဟင်းခပ်မှုန့် - လက်ဖက်ရည်ဇွန်း တစ်ဇွန်း
ငရုတ်ကောင်းမှုန့် - လက်ဖက်ရည်ဇွန်း သုံးပုံတစ်ပုံ
ပဲငံပြာရည် အနောက် - ထမင်းစားဇွန်း တစ်ဇွန်း
ဆီ - စားပွဲတင်ဇွန်းကြီး တစ်၀က်သာသာ
နှမ်းဆီ - လက်ဖက်ရည်ဇွန်း ၅ပုံတစ်ပုံ
ပြင်ဆင်ပုံ
ပဲကြာဇံက်ို ရေမြုပ်အောင်ထည့်ပြီး နာရီ၀က်လောက် ရေစိမ်ထားပါ
ကြက်သွန်နီကို ခပ်ကြီးကြီး အနေအထား တုံးထားပါ
ဘရော့ကလီကို ရေဆေးပြီး အနေတော် လှီးထားပါ
ဂေါ်ဖီကို ရေဆေးပြီး ခပ်ကြမ်းကြမ်း လှီးထားပါ
မုံလာဥနီကို အခွံခွာပြီး ရေဆေးကာ ခပ်သေးသေး အမြှောင်းလေးတွေ လှီးပေးပါ
ကြက်သွန်မိတ်ကို လက်တစ်ဆစ်ခန့် လှီးထားပါ
ကြက်သားကို ရေဆေးပြီး ရေမြုပ်အောင်ထည့်ကာ ရေခမ်းတဲ့အထိ ပြုပ်ပေးထားပါ
ပြုပ်ထားသော ကြက်သားကို အနေတော် အသားတုံးလေးများရအောင် မွှပေးထားပါ
ကြဥကို ခလောက်ထားပါ
ရေစိမ်ထားသော ပဲကြာဇံ ပျော့လာပါကဆယ်ပြီး ရေစစ်ထားပါ
ဒယ်အိုးကို အပူပေးပြီး ဆီကိုထည့်ပါ
ပူလာပါက ကြက်သွန်နီနှင့် အသီးအရွက်များကို တစ်မိနစ်လောက် ထည့်ကြော်ပါ
ပြီးတာနဲ့ ခလောက်ထားသော ကြက်ဥကို ထည့်ကြော်ပါ
ကြက်ဥကျက်တာနဲ့ အသားမွှထားသော ကြက်သား ပဲကြာဇံထည့်ပြီး ငံပြာရည် ဆား ဟင်းခတ်မှုန့် ခရုဆီ ပဲငံပြာရည် တို့ထည့်ကာ သမအောင် မွှေပေးပါ
အသီးအရွက်ကြော်စဉ် ထွက်လာသော အရည်ဖြင့် ပဲကြာဇံ ပျော့သွားအောင် ခနထားပေးပါ
ပဲကြာဇံ ပျော့လာပါက အရသာမြည်းကာ လိုသလို ပြင်ပေးပါ
ပြီးတာနဲ့နှမ်းဆီ ငရုတ်ကောင်းမှုန့်နှင့် ကြက်သွန်မိတ်ထည့်ပြီး အရသာနှံ့အောင် မွှေပေးကာ ထိုင်းစတိုင်လ် ပဲကြာဇံကြော်ကို နှစ်သက်သလို စားသုံးနိူင်ပါပြီ။
