*အခြေခံ လူ့အခွင့်အရေးများ
ဒီမိုကရေစီ အစိုးရများ ထိန်းသိမ်း ကာကွယ်စောင့်ရှောက်တတ်ကြသည့် နိုင်ငံသားတို့၏ မူလ အခွင့်အရေးများထဲတွင်
• မိမိ ယုံကြည်ချက်၊ ထင်မြင်ယူဆချက်များကို လွတ်လပ်စွာ ထုတ်ဖော်ပြောဆိုခွင့်၊
• လွတ်လပ်စွာ ရေးသားဖြန့်ဝေခွင့်၊
ငြိမ်းချမ်းစွာ စုဝေးခွင့်၊ စီတန်းလှည့်လည်ခွင့်၊
• အသင်းအဖွဲ့ သို့မဟုတ် အစည်းအရုံးများ ထူထောင်ခွင့်၊ စည်းရုံး လှုပ်ရှားခွင့်၊
• မိမိ နှစ်သက်ယုံကြည်ရာကို လွတ်လပ်စွာ ကိုးကွယ်ခွင့်၊
• ရိုးရာ ဓလေ့ ထုံးတမ်းများကို လွတ်လပ်စွာ ဆောင်ရွက်ပိုင်ခွင့်၊
• ဥပဒေအရာ၌ တန်းတူညီမျှရှိ၍၊ ဥပဒေ၏ အကာအကွယ်ကို တန်းတူ ညီမျှ ခံစားခွင့်...စသည်တို့ ပါဝင်ရာ
သည်အထဲတွင် လူနည်းစုတို့၏ ရပိုင်ခွင့်များဟု ခေါ်ဆိုရမည့် အချက်များလည်း ပါရှိနေတာ တွေ့ရ လိမ့်မည်။
ကိုးကွယ်သည့် ဘာသာ၊ ပြောဆိုသည့်စကား၊ ဒေသဓလေ့ လူမျိုးဓလေ့၊ ရိုးရာယဉ်ကျေးမှု စသည်တို့နှင့်
နှီးနွှယ်သော အချက်များ။ ရံဖန်ရံခါ လူများစု ကိုယ်စားပြုထားသည့် ဒီမိုကရေစီ အစိုးရတစ်ရပ်နှင့်
လူမျိုးစုတစ်စု၊ ဒေသတစ်ခု၊ ဘာသာဝင်တစ်စု စသည်တို့အကြား ထုံးဓလေ့ တစ်ရပ်နှင့် စပ်လျဉ်း၍
သဘောထားကွဲလွဲတာမျိုးလည်း ရှိတတ်သည်။ ဥပမာ၊ ဓလေ့တစ်ရပ်သည် သက်ဆိုင်သူ လူနည်းစုတို့အတွက်
အထွတ်အမြတ် ကိစ္စ သို့မဟုတ် ချိုးဖောက်မရသည့် ကိစ္စဖြစ်နေချိန်တွင် အများစု ကိုယ်စားပြုသူတို့ အမြင်၌
မယဉ်ကျေးမဖွယ်ရာ ကိစ္စ၊ ပယ်ဖျက်သင့်သည့် ကိစ္စမျိုး ဖြစ်နေနိုင်သောကြောင့် ဖြစ်သည်။
သည်အခါမျိုးတွင် ပြဿနာ အဖြေရှာရခက်တာမျိုး ကြုံရနိုင်ပါသည်၊ သို့သော်၊
#ဆက်ရန်ရှိ
