အိုင်းရစ်အိုးပင်းတွင် မက်အီရွိုင်း ဝင်ပြိုင်မည်
------------------------
မေဂျာဆုဖလား ၄ ကြိမ်ရရှိထားတဲ့ မြောက်အိုင်ယာလန်ဂေါ့ဖ်သမား မက်အီရွိုင်းဟာ စက်တင်ဘာလထဲမှာ ကျင်းပမယ့် အိုင်းရစ်အိုးပင်းပြိုင်ပွဲကို ဝင်ပြိုင်မှာဖြစ်တယ်လို့ အတည်ပြုခဲ့ပါတယ်။ ၂၀၁၆ အိုင်းရစ်အိုးပင်း ပြိုင်ပွဲမှာ ချန်ပီယံဆုကို ရယူနိုင်ခဲ့တဲ့ မက်အီရွိုင်းအနေနဲ့ နောက်ထပ်တစ်ကြိမ်အောင်မြင်မှုကို ထပ်မံရယူပြနိုင်ဖို့ မျှော်လင့်ထားတယ်လို့ ဆိုပါတယ်။
ကမ္ဘာ့အဆင့်-၃ နေရာမှာ ရပ်တည်နေတဲ့ မက်အီရွိုင်းဟာ မနှစ်က အိုင်းရစ် အိုးပင်းပြိုင်ပွဲမှာ အကောင်းဆုံး လက်စွမ်းကို ပြသနိုင်ခဲ့ပေမယ့် ဒိန်းမတ်နိုင်ငံသား ဟွိုက်ဂတ်ရဲ့နောက် ဒုတိယ နေရာနဲ့သာ ကျေနပ်ခဲ့ရတာပါ။ မနှစ်က အိုင်းရစ်အိုးပင်းပြိုင်ပွဲကို ရွိုင်ရယ်ကောင်တီဂေါ့ဖ်ကလပ်မှာ ကျင်းပခဲ့ ပေမယ့် အခုနှစ်ပြိုင်ပွဲကိုတော့ ၂၀၁၆ ပြိုင်ပွဲတုန်းက မက်အီရွိုင်းအောင်ပွဲခံခဲ့ဖူးတဲ့ ကေ(K) ဂေါ့ဖ်ကလပ်မှာ ပြောင်းလဲကျင်းပမှာဖြစ်လို့ မက်အီရွိုင်းအနေနဲ့ အောင်ပွဲထပ်ရဖို့ မျှော်လင့်နေတာလည်း ဖြစ်ပါတယ်။ အခုနှစ် အိုင်းရစ်အိုးပင်းပြိုင်ပွဲကိုတော့ စက်တင်ဘာ ၃ ရက်နေ့ကနေ ၇ ရက်နေ့အထိ ကျင်းပဖို့ စီစဉ်ထားတယ်လို့ သိရပါတယ်။
