(၇) ရက်သား/သမီးအဟောများ
တနင်္ဂနွေသား/သမီး
လုပ်ငန်းကိုင်ငန်း မတည်ငြိမ်၊ပြောင်းလဲလုပ်ကိုင်ရန် ကြံစည်နေရတတ်မည်။ငွေကြေးကံ အတက်အကျ များနေတတ်မည်။ကျန်းမာရေးညံ့တတ်သည်။အာရုံကြောရောဂါ၊နှလုံးရောဂါထဲမှ သတိပြုရမည်။အချစ်ရေး စန်းပွင့်၍ လှေနံနှစ်ဖက်နင်းသလိုမျိုးဖြစ်နေတတ်မည်။အိမ်ထောင်ရေးကံ ကောင်းမွန်သာယာနေမည်။ပညာရေး
ကံကောင်းနေ၍ ကြိုးစားသည်ထက်ပင် အောင်မြင်မှုရနေတတ်မည်။နိုင်ငံခြားပညာသင်ရန် အခွင့်အလမ်း ပေါ်တတ်မည်။
ယတြာ-- စေတီတစ်ဆူ၌ တနင်္ဂနွေနေ့ နံနက်၉-နာရီကျော်ကျော်တွင် မွေးနံထောင့်၌ အောင်သပြေ
(၆)ညွန့် ကပ်လှူပေးပါ။
----
တနင်္လာသား/သမီး
လုပ်ငန်း သင့်တင့်စွာ အောင်မြင်တိုးတက်မှုရှိမည်။ငွေကြေးကံ ကောင်းမွန်၍ သိသာသော တိုးတက်မှု ကြုံမည်။ကျန်းမာရေး ကောင်းမွန်နေမည်။အစာမကြေတတ်ခြင်းမျိုးလောက်သာ သတိပြုရမည်။အချစ်ရေး အဆင်မပြေ မကြာခဏ စကားများရတတ်မည်။အိမ်ထောင်ရေး ကံညံ့နေတတ်၍ အထင်မှားစရာ ကိစ္စများကြုံရတတ်ကာ လမ်းခွဲရသည်ထိ ဖြစ်တတ်၍ သတိပြုပါ။ပညာရေးကံ ကောင်းမွန်၍ ချီးကြူးဂုဏ်ပြုခံရတတ်မည်။
ယတြာ-- ဘုရား တနင်္လာထောင့်တွင် တနင်္လာနေ့ နံနက်ပိုင်း၌ တံခွန် အဖြူရောင်(၇) လက်လှူပေးပါ။
----
အင်္ဂါသား/သမီး
လုပ်ငန်းတွင် ရန်အတိုက်အခံများခြင်းာယှဥ်ပြိုင်ရမှုများပြားနေခြင်းကောင့် စိတ်ဖိစီးမှု ကြုံရတတ်မည်။ငွေကြေးပိုင်း အကြပ်အတည်းအချို့ ကြုံနေရတတ်ပါမည်။ကျန်းမာရေး ညံ့တတ်၍ ရင်၊ဝမ်း၊ဥပါဒ်ပေးတတ်မည်။အရေပြားရောဂါ သတိပြုပါ။အချစ်ရေး အဆင်ပြေ၍ သာယာကြယ်နူးဖွယ်များ
ကြုံရတတ်မည်။အိမ်ထောင်ရေးကံ ကောင်းမွန်၍ အဆင်ပြေနေပါမည်။ပညာရေး အညံ့ကြုံနေတတ်မည်။
ကြိုးစားသလောက် အရာမထင်ဖြစ်နေတတ်မည်။
ယတြာ--- ဘုရား အင်္ဂါထောင့်တွင် မွေးနေ့ ညနေပိုင်း၌ယပ်အနီ(၈) လက်လှူပေးပါ။
-----
ဗုဒ္ဓဟူးသား/သမီး
လုပ်ငန်းအဆင်မပြေ ရပ်တံ့ရလုနီးနီး ကြုံနေရတတ်မည်။ငွေကြေးကံသင့်ရုံသာရှိမည်။ ကျန်းမာရေး ကောင်းမွန်နေမည်။ခြေ၊လက် ထိခိုက်အနာတရဖြစ်တတ်ခြင်းမျိုး သတိပြုပါ။
ယတြာ--- ဘုရား ဗုဒ္ဓဟူးထောင့်တွင် မွေးနေ့ မွန်းလွဲပြီးနောက် ရေသက်စေ့ သပ္ပာယ်ပေးပါ။
----
ကြာသပတေးသား/သမီး
လုပ်ငန်းအောင်မြင်တိုးတက်နေကာ၊မိတ်သစ်များ တိုးပွားလာတတ်မည်။ငွေကြေးကံ ပွင့်လမ်းနေမည်။ငွေလုံးငွေရင်း ရတတ်မည်။ကျန်းမာရေး ညံ့တတ်၍သွေးသားရောဂါ။အသည်းအဆီဖုံးခြင်း၊
ဆီးချိုရောဂါ..ထဲမှ သတိပြုရမည်။အချစ်ရေး အဆင်မပြေ လမ်းခွဲရန် ဖြစ်လာတတ်မည်။အိမ်ထောင်းရေးကံ ကောင်းမွန်၍ အဆင်ပြေသာယာနေမည်။ပညာရေးကံ ကောင်းမွန်၍ ဘွဲ့လွန်အဆင့်မျိုးထိ သင်ယူရတတ်မည်။
ယတြာ-- ကြာသပတေးနေ့ နံနက်ပိုင်းတွင် ဘုရား ကြာသပတေးထောင့်၌စပယ်ပန်း (၅) ကုံးကပ်လှူပေးပါ။
---
သောကြာသား/သမီး
လုပ်ငန်း အဆင်ပြေကာ တိုးတက်မှုကြုံမည်။ငွေကြေးကံကား ရစရာရှိသည်များ ထစ်ငေါ့ နှောင့်နှေးနေတတ်မည်။ကျန်းမာရေးအညံ့ဘက်တွင်ရှိနေတတ်မည်။ အကြောတက်ခြင်း၊ သွေးတိုးရောဂါ၊ ခေါင်းကိုက်ခြင်းတို့ သတိပြုပါ။အချစ်ရေးကံ ညံ့နေတတ်ပြီး ဆက်ဆံရေး ယာယီပြတ်တောက်နေတတ်မည်။ အိမ်ထောင်ရေးပြဿနာအထူးမရှိပါ။ပညာရေး ကံ ညံ့နေတတ်၍ ကြိုးစားလိုစိတ်ကင်းမဲ့နေတတ်မည်။
ယတြာ--- သောကြာနေ့ နံနက်ပိုင်းတွင် ဘုရားသောကြာထောင့်တွင် သစ်သီး(၆)မျိုးကို ဆွမ်းအဖြစ် ကပ်လှူပေးပါ။
-----
စနေသား/သမီး
ဤကာလအတွင်းစနေသားသမီးတိူ့ ကံအကြောင်းမလှ ဖြစ်နေတတ်မည်။ကြံစည်လုပ်ကိုင်သမျှ လွဲချော်နေတတိတ်မည်။ငွေကြေးကံ မတည်ငြိမ်ပဲ၊ယိမ်းယိုင်နေတတ်မည်။ကျန်းမာရေး
တွင် နှလုံး၊အဆုတ် ရောဂါများ ခံစားရတတ်၍ သတိပြုပါ။အချစ်ရေး အဆင်မပြေ ကြားလူ
ဝင်နှောက်ယှက်တတ်မည်၊သတိပြုပါ။အိမ်ထောင်ရေး ကံ ညံ့တတ်၍ အိမ်ထောင်ဖက် အိမ်မှ ထွက်သွားတန်မည်။ပညာရေး ကံညံ့တတ်၍ ခေတ္တယာယီရပ်တံ့ခြင်းမျိုး ကြုံရတတ်မည်။
ယတြာ-- စနေနေ့မွန်းလွဲပြီးနောက် ဘုရားစနေထောင့်တွင် ဆီမီး(၁၀)ခွက် နှမ်းဆီဖြင့် ထွန်းညှိပူဇော်ပေးပါ။
ဆရာဝင်းမင်း(B.Sc)
