အိမ်မှာကိတ်မုန့်အလွယ်လုပ်နည်း
ထောပတ် ၂၀၀ ဂရမ်
သကြား ၁၆၀ ဂရမ်
ကြက်ဥ ၄လုံး
ဂျုံ ၁၈၀ ဂရမ်
ဘေကင်ပေါင်ဒါ ၂ ဂရမ်
နွားနို့ ၆၀ဂရမ်
ဆီ ၂၀ဂရမ်
ဆား နဲနဲ
ဗနီလာအနံ့ လက်ဖက်စားဇွန်း ၁ဇွန်းလောက် ကို ပြင်ဆင်ထားလိုက်တယ်။
ကိတ်ခွက်ကို ဆီသုတ်ပြီး မကပ်အောင်ပွတ်ထားလိုက်တယ်။ ထောပတ် ဆား သကြားကို Hand Mixer နဲ့ ဖြူပြီးပွလာအောင် မွှေတယ်။ မွှေနေရင်း ကြက်ဥကို တလုံးချင်းထည့်ပြီး ၄လုံးပြည့်တာနဲ့ သကြားကြေအောင်မွှေထားတယ်။ မွှေနေရင်းပဲ ဂျုံတွေဖြည်းဖြည်းချင်းထည့်၊ ဘေကင်ပေါင်ဒါ ထည့်၊ မွှေနေရင်း နွားနို့၊ ဆီ၊ ဗင်နီလာအနံ့လေးထည့်ပြီး နှံ့အောင်မွှေပြီးရင် ဖုတ်မဲ့ ကိတ်ခွက်ထဲကို ထည့် စပျစ်ခြောက်တို့ ရောင်စုံအသီးလေးတွေရှိရင်ထည့် မထည့်လည်းရတယ်။
Oven က Midea 48L ဆိုတော့ Pre Heat ၁၀မိနစ်ပေးထားတယ်။ ပြီးတာနဲ့ အောက်မီး အပေါ်မီး မိနစ် ၄၀ ချိန်ပြီး အပူချိန် ၁၇၀ ပေးလိုက်တယ်။ မိနစ် ၃၀ ပြည့်တာနဲ့ အပေါ်ယံကြည့်ပြီး အရောင်လေးကြိုက်နေတာနဲ့ အပေါ်မီးပိတ်ပြီး အောက်မီး ၁၀လောက် ပေးလိုက်တယ်။
သွားကြားထိုးတံလေးနဲ့ ထိုးကြည့်လို့ စိုမနေရင် ရပီပေါ့လေ။
အဓိကက ဘာပဲလုပ်ချင်ချင် ဟိုဟာရှိမှရယ် ဒီဟာရှိမှရယ်မဟုတ်ဘူး။ နွားနို့ မရှိရင် နို့မှုန့်နဲ့ရေဖျော်လို့ရတယ်။ ကိတ်ဖုတ်တာ ကိတ်ဂျုံမရှိဘူး အထွေထွေသုံးဂျုံနဲ့ပဲထည့်လို့ရတယ်။ ထောပတ်အကောင်းစားမရှိဘူး ရတယ် စျေးပေါတဲ့ အနံ့ပါတာတွေ သုံးလ်ို့ရတယ်။
Crd original post
ကိတ်ဂျုံမရှိလို့ အထွေထွေသုံး ဂျုံနဲ့ဖုတ်တာတောင် နူးညံ့ မွှေးကြိုင်နေပြီး ဆိုင်ကထက် ပိုကောင်းတဲ့ ကိတ်တလုံး လက်ဘက်ရည်နဲ့ နေ့လည်က အချိုတည်းကြတာပေါ့။
