" Make Me Shudder " ( 2013 )
ဇာတ်လမ်းအကျဥ်း...ကျောင်းပိတ်ရက်ရောက်တိုင်း ကျောင်းဆောင်ကနေ အိမ်ကိုပြန်ရမယ်ဆိုတဲ့ စည်းမျဥ်းတစ်ခုရှိပါတယ်။ ဒါပေမဲ့ သရဲခြောက်တဲ့အိမ်တွေကို သွားလည်ရတာကြိုက်တဲ့ ကျောင်းသားတစ်သိုက်ကတော့ သူတိုရဲ့စိန်ခေါ်မှုတွေပြည့်နေတဲ့လေ့လာရေးခရီးကို အိမ်မပြန်ဘဲ စတင်လိုက်ကြပါတယ်။ သူတိုရဲ့ခရီးစဥ်အတွက် ရွေးချယ်လိုက်တဲ့နေရာကတော့ ကျောင်းသားတစ်ယောက် ကိုယ့်ကိုကိုယ်သတ်သေဖူးတဲ့ အဆောက်အအုံတစ်ခုပါပဲ။ ကျောင်းသားတစ်ယောက် သတ်သေပြီးတဲ့နောက်ပိုင်း အဲ့ဒီအဆောက်အအုံဟာ လူတွေရှောင်ဖယ်စရာနေရာဖြစ်လာရင်းကနေ စွန့်ပစ်ခံဖြစ်သွားခဲ့ရပါတယ်။ ပြီးတော့ အဲ့ဒီအဆောက်အအုံကို ကျောင်းသားတွေ သွားခွင့်မရှိဘူးဆိုပြီး ကန့်သတ်ထားလိုက်ပါတယ်။ ဒါပေမဲ့လည်း သတ္တိခဲ ကျောင်းသားခုနှစ်ယောက်ကတော့ နှစ်ခါမစဥ်းစားဘဲ အဲ့ဒီမှာရှိတဲ့ သဘာဝလွန်အရာတွေကို မကြောက်မရွံ ရန်သွားစခဲ့ပါတယ်။ တကယ်တော့ သရဲမကြောက်လိုမဟုတ်ဘဲ သရဲရှိတယ်ဆိုတာကို မယုံလိုပါပဲ။ ဒါပေမဲ့ သရဲဆိုတာကိုမယုံကြည်တဲ့ သူတိုတွေကို သရဲက အသက်အန္တရာယ်ပေးလာတဲ့အခါမှာတော့ ပြေးဖိုနောက်ကျသွားခဲ့ပါပြီ။ဒီရုပ်ရှင်လေးက ကြောက်စရာကောင်းသင့်သလောက်တော့ကောင်းပေမဲ့ ဟာသလေးတွေနှောထားတာဖြစ်ပါတယ်။
#horror
