Part-1
*တရားရေးမဏ္ဍိုင်နှင့်ပြည်သူ့ရပိုင်ခွင့်များအား ကာကွယ်စောင့်ရှောက်မှု
အုပ်ချုပ်ရေးမဏ္ဍိုင်ဖြစ်သော အစိုးရအဖွဲ့နှင့် အောက်ဘက်အဆင့်ဆင့်ရှိ ၎င်း၏ အမှုထမ်းကြီးငယ်များ ပြည်သူတို့နှင့်ဆက်ဆံရာ၌ တရားဥပဒေနှင့် အညီ ဆောင်ရွက်ကြရန်နှင့် ဥပဒေက ၎င်းတို့အား ခွင့်ပြုထားသည့် လုပ်ပိုင်ခွင့် အာဏာ အကန့်အသတ်ထက် လွန်ကျွံသုံးစွဲမှု မပြုအောင် ထိန်းကျောင်းသည့် အလုပ်ကို တရားစီရင်ရေးမဏ္ဍိုင်ဟု ခေါ်သည့် တရားရုံးများ တရားသူကြီး များက ဆောင်ရွက်ရသည်။
ပြည်သူ တစ်ဦးတစ်ယောက်အနေဖြင့် မိမိ၏ အခြေခံ ရပိုင်ခွင့် ချိုးဖောက်ခံရသည် ရှိသော်၊ သို့မဟုတ် သုံးစွဲခြင်းမပြုနိုင်အောင် တားဆီး ခံရသည် ရှိသော်၊ မိမိနစ်နာမှုအတွက် တိုင်ကြား တောင်းဆိုခွင့်ရှိပြီး၊ အဆိုပါ ချိုးဖောက် တားဆီးသော အာဏာပိုင်အား တရားရုံးက ဥပဒေနှင့်အညီ စစ်ဆေး အရေးယူမှုပြုမည် ဖြစ်သည်။
ဥပမာ၊ နိုင်ငံသားတိုင်းသည် နိုင်ငံအတွင်း မည်သည့်အရပ်ဒေသ၌မဆို ဥပဒေနှင့်အညီ အခြေစိုက် နေထိုင်ခွင့်ရှိသည်ဟု ဖွဲ့စည်းပုံပါ အခြေခံ ရပိုင်ခွင့်များထဲတွင် ပြဋ္ဌာန်းထားသည်ဆိုပါစို့။ အကယ်၍ တစ်စုံတစ်ယောက် သောသူသည် တရားဥပဒေနှင့် ညီညွတ်ပါလျက် မိမိ နေထိုင်လိုသည့်အရပ်၌ နေထိုင်ခြင်းမပြုနိုင်အောင် တားဆီးပိတ်ပင်ခြင်း၊ အင်အားသုံး ရွှေ့ပြောင်းခြင်း ပြုမည်ဆိုက အခြေခံဥပဒေပါ ရပိုင်ခွင့်များ ရုပ်သိမ်း ဟန့်တားခံရသော ၎င်းပုဂ္ဂိုလ်အား တရားရုံးက မိမိ လုပ်ပိုင်ခွင့်အာဏာကို အသုံးပြုကာ ဥပဒေနှင့်အညီ ကာကွယ်စောင့်ရှောက်မှုပြုမည် ဖြစ်သည်။
#ဆက်ရန်ရှိ
