အိမ်ထောင်သက် နှစ် ၃၀ ကြာ အတူလက်တွဲပြီးနောက် ပက်ပ် ဂွာဒီယိုလာနဲ့ ဇနီးဖြစ်သူ ခရစ္စတီနာ ဆာရာတို့ ကွာရှင်းပြတ်ဆဲဖို့ ဆုံးဖြတ်ခဲ့ကြတယ်လို့ Diario Sport က ဖော်ပြပါတယ်။
ပက်ပ်နဲ့ ခရစ္စတီနာတို့ဟာ ၂၀၂၄ ဒီဇင်ဘာလမှာ ယင်းဆုံးဖြတ်ချက်ကို ချခဲ့ကြတာဖြစ်တယ်လို့ သတင်းက ဖော်ပြထားပါတယ်။ ဒါပေမဲ့ ယင်းသတင်းက ယခုမှသာ လူသိရှင်ကြား ထွက်ပေါ်လာတာဖြစ်ပါတယ်။
ဂွာဒီယိုလာဟာ မန်ချက်စတာစီးတီး သတင်းစာရှင်းလင်းပွဲတွေနဲ့ မီဒီယာတွေရှေ့မှာ ဇနီးဖြစ်သူနဲ့ ပတ်သက်တဲ့ ဆက်ဆံရေးအကြောင်းကို လူသိရှင်ကြား မကြာခဏ ထုတ်ပြောခဲ့ဖူးသူပါ။ ဘောလုံးမှာ ဆရာကြပေမယ့် ဇနီးသည်စကားကို တလေးတစားနဲ့ လိုက်နာသူမျိုးပါ။ ဝတ်စားဆင်ရင်မှုကအစ ဇနီးသည်စကားကို လိုက်နာသူမျိုးပါ။
မန်ချက်စတာစီးတီး မန်နေဂျာဟာ ၁၉၉၄ က ဘာစီလိုနာမှာ ရှိနေစဉ် အသက် ၂၃ နှစ်အရွယ်မှာ ခရစ္စတီနာနဲ့ ချစ်ကြိုက်ခဲ့ပါတယ်။ အဆိုပါအချိန်က ခရစ္စတီနာမှာ အသက် ၂၀ ရှိပြီဖြစ်ပါတယ်။ သူတို့စုံတွဲဟာ ၂၀၁၄ မှာ တရားဝင် လက်ထပ်ခဲ့ကြပါတယ်။
ပက်ပ်နဲ့ သူ့ ဇနီးဟောင်းတို့မှာ သားသမီး သုံးဦးရှိပြီး ၂၄ နှစ် မာရီယာ ဂွာဒီယိုလာ၊ ၂၂ နှစ် မားရီးယပ်စ်နဲ့ ၁၇ နှစ် ဗယ်လင်တီနာ တို့ဖြစ်ပါတယ်။ ယင်းသုံးဦးစလုံးဟာ မန်ချက်စတာမှာ ပက်ပ်နဲ့အတူ နေထိုင်ခြင်း မရှိကြပါဘူး။
လမ်းခွဲဖြစ်စေကာမူ ဘာကာ နည်းပြဟောင်းနဲ့ ခရစ္စတီနာတို့ဟာ ချစ်ခင်ရင်းနှီးတဲ့ ဆက်ဆံရေးကို ထိန်းသိမ်းထားကြပါတယ်။
