တရုတ်နိုင်ငံ၌ ကူးစက်ရောဂါအသစ်မရှိပါ--ပေကျင်း
ပေကျင်း၊ဇန်နဝါရီ ၁၂
တရုတ်နိုင်ငံ၌ ကူးစက်ရောဂါအသစ်မရှိသေးသကဲ့သို့ လက်ရှိဖြစ်ပွားနေသည့် အသက်ရှူလမ်းကြောင်းဆိုင်ရာရောဂါသည်လည်း အများသိပြီးသားဖြစ်သည့် အကြောင်းအရာများမှဖြစ်ပေါ်ခြင်းသာဖြစ်သည်ဟု ရောဂါထိန်းချုပ်ရေးနှင့်ကာကွယ်ရေးဗဟိုဌာနကပြောကြားခဲ့သည်။
လတ်တလောဖြစ်ပေါ်နေသည့်တုပ်ကွေးရောဂါသည် အသက်ရှူလမ်းကြောင်းဆိုင်ရာရောဂါအခံရှိသူများကို ပိုဆိုးစေသဖြင့်သာ ဆေးရုံ၊ဆေးခန်းများ၌ လူများလာခြင်းဖြစ်သည်ဟုဆိုသည်။
HMPV နှင့်ပတ်သက်၍မူ အဆိုပါရောဂါသည် လူသားများကြားတွင် ဆယ်စုနှစ်များစွာကတည်းကပျံ့နှံ့နေခြင်းဖြစ်ပြီး လတ်တလောမှသာရေပန်းစားကာ ၎င်းနှင့်ပတ်သက်သည့်အချက်အလက်များထပ်တိုး တွေ့ရှိလာခြင်းသည် ဆေးသုတေသန၏ သုတေသနပြုနိုင်စွမ်းအားကောင်းလာခြင်းကြောင့်ဖြစ်သည်ဟုဆိုသည်။
ယခုနှစ်အတွက် အသက်ရှူလမ်းကြောင်းဆိုင်ရာရောဂါ၏ပြင်းထန်မှုနှင့် ဖိအားများသည် ယခင်နှစ်ကိုကျော်ကာ ပြင်းထန်လာနိုင်ချေမရှိကြောင်းလည်း ကျွမ်းကျင်ပညာရှင်များကထုတ် ဖေါ် ပြောကြားခဲ့သည်။
