2024 ဒုတိယနှစ်ဝက်မှာ အရှေ့တောင်အာရှနိုင်ငံတွေရဲ့ စီးပွားရေးပြိုင်ဆိုင်မှုကို သတိထားမိလာတယ်။ စင်္ကာပူတို့ ဂျပန်တို့ တောင်ကိုရီးယားတို့ အာရှပစိဖိတ်နိုင်ငံတွေကတော့ အတော်ရှေ့ရောက်ပြီးသားပေါ့လေ။ မနှစ်က နှစ်ဝက်မှာ ပြိုင်ဆိုင်မှုများလာတာက အင်ဒိုရယ်၊ မလေးရှားရယ် ဗီယက်နမ်ရယ်ပေါ့။ ထိုင်းနဲ့ ဖိလစ်ပိုင်ကတော့ ဒုတိယတန်းကနေကပ်လိုက်နေတာပေါ့။ အဲဒီပြိုင်ဆိုင်မှုမှာ ပေါ်လစီချမှတ်သူတွေနဲ့ ငွေကြေးဆိုင်ရာ အင်စတီကျူးရှင်းတွေရဲ့ စွမ်းဆောင်ရည်နဲ့ အမြော်အမြင်က အတော်လေးအရေးပါတာတွေ့ရတယ်။ ငွေကြေးဖောင်းပွမှုကို ထိန်းချုပ်တဲ့နည်းလမ်းတွေ၊ အနာဂတ်မှာအားကောင်းလာမယ့် နည်းပညာကုမ္ပဏီတွေကို ရင်းနှီးမြှုပ်နှံဘို့ ဖိတ်ခေါ်တာတွေ၊ အခွန်လျှော့ချတာတွေ ပြင်ဆင်တာတွေက မဟာဗျူဟာကစားပွဲတခုကို ကြည့်နေရသလို အပြိုင်အဆိုင် ရွှေ့ကြတာတွေ့ရတယ်။ အင်ဒိုဆိုရင် Nvidia တို့ Apple တို့ကို ရင်းနှီးမြုပ်နှံလာအောင် ဆွဲဆောင်နိုင်တယ်။ မလေးရှားကတော့ နည်းပညာတိုးတက်မှုနဲ့ AI အပေါ်မှာ ခြေမြန်လက်မြန် ရင်းနှီးမြှုပ်နှံမှုတွေ စီမံကိန်းတွေ အစိုးရကိုယ်တိုင်က ဦးဆောင်ပြီးလုပ်တယ်။ဗီယက်နမ်ဆို ခရီးသွားလုပ်ငန်းတိုးတက်မှုကို တွန်းတင်နေတယ်။ အဲဒီပြိုင်ပွဲရဲ့အပြင်မှာ နိုင်ငံငယ်လေးတခု ကတော့ အထဲမှာ ရန်ဖြစ်လို့ကောင်းတုန်း။ အဲဒီနိုင်ငံရဲ့အထဲက လူတွေရဲ့ဘဝလည်း ဆင်းရဲတွင်းနက်လို့ကောင်းတုန်းပေါ့....... ငတ်နေရတာလေးကိုက အရသာရှိတာ ဆိုတဲ့ စကားလိုပါပဲ