LA ကတောမီး
ကမ္ဘာ့ ရုပ်ရှင်မြို့တော် Hollywood လည်း မီးထဲပါသွားပါပြီ။ Pretty Woman ဇာတ်ကားရဲ့ နောက်ခံ Beverly Hill နဲ့ LA မြို့က သန်းကြွယ် ကုဋေကြွယ် သူဌေးတွေရဲ့ အိမ်ယာများစွာ တောမီးလောင်ကျွမ်း ခံနေရတယ်။ L.A သမိုင်းမှာ အဆိုးရွားဆုံးမီးပါပဲ။ ကိုယ့်အပေါ်ကောင်းလှတဲ့ မိတ်ဆွေတွေ အများကြီးရှိလို့ စိတ်မကောင်းဖြစ်ရတယ်။
မီးလောင်တဲ့အချိန် ပူတဲ့နေရာကို ပင်လယ်ကလေအေးတွေ တိုးဝင်လာလို့ တခါတခါ တနာရီ မိုင် ၁၀၀ လောက်တောင် gust wind လေပြင်း က ဝင်တိုက်ပါတယ်တဲ့။
မြန်မာပြည်က သူဌေးတချို့ရဲ့ အိမ်လည်း မီးအန္တရာယ်ကြုံနေကြရရှာတယ်။ မေတ္တာပို့သပါတယ်။
အဲဒီအနီးတဝိုက်မှာနေတဲ့သူတွေက မီးဘေးရှောင်ကြတဲ့အခါ သူတို့ရဲ့ကားတွေကို လမ်းပေါ်မှာ စွန့်ပစ်ခဲ့ကြလို့ လမ်းတွေပိတ်ဆို့ပြီး မီးငြိမ်းသတ်ရာမှာ အနှောင့်အယှက်ဖြစ်ရကြောင်းနဲ့ ဒီတောမီးဟာ ချက်ချင်းကြီးငြိမ်းသွားမယ့်မီးမျိုးမဟုတ်ကြောင်းကိုလည်း မီးသတ်အဖွဲ့က ပြောဆိုထားပါတယ်။
