ကြက်စွပ်ပြုတ် ပူပူလေး

ကိုယ်ခံအားရှိအောင် ကြက်စွပ်ပြုတ်ကို ချဉ်စပ်အရသာလေး ချက်စားဖြစ်ပါတယ်..

ချက်ရတာ အင်မတန် လွယ်ကူလှတာမို့ ကိုယ်ချက်စားဖြစ်တဲ့အတိုင်းချက်နည်းလေးပါ ထဲ့ရေးပေးထားပါတယ်..

ကြက်အသားအရိုးများကို ဆေးကြောသန့်စင်ထားပါ..

စပါးလင် တစ်ပင်ကို ခပ်ဖွဖွထုထောင်းပြီး အစည်းစည်းကာ ချက်မည့်အိုးအောက်ခြေတွင်ထဲ့ပါ
ဂျင်း လက်တစ်ဆစ်စာလောက်ကို ခပ်ဖွဖွထုထောင်းပြီးထဲ့ပါ
​နံနံပင် အမြှစ်အနည်းငယ်ထဲ့ပါ ( မထဲ့လည်းရ)
ကြက်သွန်ဖြူ ဥသေးတလုံးကို အခွံအကုန်မခွာပဲ ခပ်ဖွဖွထုထောင်းကာ ထဲ့ပါ.,
ကြက်သားထဲ့ပါ
ငါးငံပြာရည် အနည်း ဆားလိုသလောက် ခန့်မှန်းထဲ့ပေးပါ..
ရေကို ကြက်သားဖုံးအောင်ထဲ့ပြီး မိနစ် ၂၀ ခန့် အဖုံးဖုံးပိတ်ပြီး ချက်ပါ.. ချက်တဲ့အခါ မြေအိုးကို သုံးတာက အသားတွေကို ပိုမိုနုညံ့စေပါတယ်..
​အနေတော်လှီးထားတဲ့ မုန်လာဥနီ အာလူး ကြက်သွန်နီဥကို ၈ စိတ်စိတ်ပြီး ထဲ့ပေးပါ..
ရေနွေးထပ်ထဲ့ကာနောက်ထပ် ၁၀ မိနစ်ခန့် အိုးအဖုံးပိတ်ပြီး ချက်ပေးပါ..
အရသာ အပေါ့အငံမြည်းပြီး မီးခွင်ပေါ်မှာပဲ ဆက်တည်ထားပေးပါ..
မြေအိုး သုံးထားတာဆိုရင် မီးခွင်အပူချိန် အိုးအပူရှိနက်တင် အသားတွေကို ပိုမိုနူးအိစေပါတယ်..

ငရုပ်သီးအစိမ်း/အနီတောင့်ရောပြီး ဆားအနည်းငယ် ပုဇွန်ခြောက်မှုန့် အနည်းငယ်ဖြင့် မညှက်တညှက်ထောင်းထားပါ..

စားပွဲပြင်နည်း

ကြက်သားစွပ်ပြုတ်ပူပူလေးကို စားမည့်ခွက်တွင် ထဲ့ပြီး ထောင်းထာတဲ့ ငရုပ်သီးကို ကိုယ်စားနိုင်မည့် အစပ်ပမာဏ ရအောင်ထဲ့ပါ..
နံနံပင် ကြက်သွန်မိတ် ထဲ့ပါ.
သံပုရာရည် ညှစ်ထဲ့ပါ..

ဒါဆိုရင်တော့ ကြက်စွပ်ပြုတ် ချဉ်စပ်အရသာ ရပါပြီးရှင်..

ချဉ်စပ် မစားချင်သူတွေက ငရုပ်သီး မထဲ့ပဲ နံနံပင်လေး ထဲ့ကာ အချိုအရသာ သုံးဆောင်နိုင်ပါတယ်..
ကြက်စွပ်ပြုတ်မှာ ဘာအရသာမှုန့် အချိုမှုန့်မှ မသုံးပဲ အချိုဓါတ်ရရှိပါတယ်နော်..