တောင်ကိုရီးယားရဲ့ အဆိုးရွားဆုံး လေယာဉ်ပျက်ကျမှုအတွင်း လူပေါင်း ၁၇၉ ယောက်သေဆုံး
AFP
ထိုင်းနိုင်ငံကနေ တောင်ကိုရီးယားနိုင်ငံကို လူပေါင်း ၁၈၁ ယောက် တင်ဆောင်ပျံသန်းလာတဲ့ ဂျေဂျူးလေကြောင်းလိုင်းပိုင် လေယာဥ်တစင်းဟာ ဒီဇင်ဘာ ၂၉ ရက်က လေဆိပ်ကို ဆင်းသက်ချိန်မှာ ပျက်ကျပြီး အတားအဆီးတခုကို ဝင်တိုက်ကာ မီးလောင်ပေါက်ကွဲခဲ့တာကြောင့် အပျက်အစီးတွေနဲ့အတူ လွင့်ထွက်သွားခဲ့တဲ့ လေယာဥ်အမှုထမ်းနှစ်ယောက်ကလွဲလို့ ကျန်လိုက်ပါလာသူအားလုံး သေဆုံးသွားခဲ့ပါတယ်။
တောင်ကိုရီးယားနိုင်ငံရဲ့ အဆိုးရွားဆုံး ဒီလေယာဥ်မတော်တဆမှုဟာ ငှက်ကိုဝင်တိုက်ခဲ့တာကြောင့် ဖြစ်ပွားခဲ့တာ ဖြစ်နိုင်တယ်လို့ အာဏာပိုင်တွေက ပြောကြားထားပါတယ်။ ဒီဖြစ်စဥ်မှာ ခရီးသည်တွေဟာ လေယာဉ်ကနေ လွင့်ထွက်သွားခဲ့ပြီး လေယာဥ်ဟာလည်း ရစရာမရှိလောက်အောင် ပျက်စီးသွားခဲ့တယ်လို့ မီးသတ်အရာရှိတွေက ဆိုပါတယ်။
#တောင်ကိုရီးယား #လေယာဉ်ပျက်ကျမှု
