နည်းပြဖွန်ဆီကာနေရာ၌ ကွန်ဆီကာအိုကို အေစီမီလန်အစားထိုး
.............
နည်းပြ ဖွန်ဆီကာကို ရာထူးကနေ ထုတ်ပယ်လိုက်ပြီး ချက်ခြင်းဆိုသလိုပဲ အေစီမီလန်အသင်းဟာ နည်းပြသစ်အဖြစ် ပေါ်တူဂီလူမျိုးနည်းပြ ကွန်ဆီကာအိုကို ခန့်အပ်လိုက်ပါတယ်။
အသက် ၅၀ အရွယ် ကွန်ဆီကာအိုဟာ စီးရီးအေကစားသမားအဖြစ် လာဇီယို၊ အင်တာမီလန်နဲ့ ပါးမားအသင်းတွေမှာ ကစားခဲ့ဖူးသူဖြစ်ပါတယ်။ ကွန်ဆီကာအိုဟာ ပေါ်တူဂီကလပ် ပေါ်တိုအသင်းကို နည်းပြအဖြစ် တာဝန် ယူခဲ့တဲ့ ၆ နှစ်တာအတွင်း ဆုဖလား ၁၁ လုံးအထိရယူပေးထားနိုင်ခဲ့တာဖြစ်ပါတယ်။ အေစီမီလန် အသင်းဟာ ရိုးမားအသင်းနဲ့ တစ်ဂိုးစီသရေကျတဲ့ပွဲအပြီး နာရီပိုင်းအကြာမှာပဲ နည်းပြ ဖွန်ဆီကာကို ရာထူးကနေ ထုတ်ပယ်လိုက်တာဖြစ်ပါတယ်။ ကွန်ဆီကာအိုရဲ့ အေစီမီလန်နည်းပြဘဝ ပထမဆုံးပွဲက လာမယ့် ဇန်နဝါရီလ ၃ ရက်နေ့မှာကစားမယ့် ဂျူဗင်တပ်အသင်းနဲ့ အီတလီစူပါဖလား ဆီမီးဖိုင်နယ် ပ-ကျော့ပွဲစဉ်ဖြစ်လာနိုင်ပါတယ်။ ဒီပွဲကိုသာ ကွန်ဆီကာအိုကိုင်တွယ်ဖြစ်ခဲ့မယ်ဆိုရင်တော့ ဂျူုဗင်တပ် အသင်းမှာ ကစားနေတဲ့ သားဖြစ်သူ ဖရန်ဆစ္စကို ကွန်ဆီကာအိုနဲ့ ပြန်လည်ရင်ဆိုင်တွေ့ဆုံရတော့မှာလည်းဖြစ်ပါတယ်။ အေစီမီလန်နဲ့အတူ စွန့်စားခန်းအတွက် ဂုဏ်ယူရပြီး အလုပ်ကိုအကောင်းဆုံး ကြိုးစားလုပ်ဆောင်သွားမယ်လို့ ကွန်ဆီကာအိုက ပြောထားပါတယ်။
