တောင်ကိုရီးယားလေယာဉ်ပျက်ကျမှု
တောင်ကိုးရီးယားနိုင်ငံ Muan အပြည်ပြည်ဆိုင်ရာလေဆိပ်မှာ
ဒီနေ့ တနင်္ဂနွေ ဒီဇင်ဘာ ၂၉ ရက်မနက်က ခရီးသည်တင်လေယာဉ်တစ်စင်း
ပြေးလမ်းပေါ်က ချော်ကျပြီး မီးလောင်ပေါက်ကွဲခဲ့လို့ အနည်းဆုံး လူ ၆၂ ဦး
သေဆုံးခဲ့တယ်လို့ အမျိုးသား မီးသတ်အေဂျင်စီက ပြောပါတယ်။
လူနှစ်ဦး ကယ်တင်နိုင်ခဲ့ပြီး သူတို့က လေယာဉ်အမှုထမ်းတွေ ဖြစ်နေတယ်
ဆိုပါတယ်။
ခရီးသည် ၁၇၅ ဦးနဲ့ လေယာဉ်အမှုထမ်း ခြောက်ဦးကို တင်ဆောင်ပြီး
ထိုင်းနိုင်ငံတောင်ပိုင်း လေဆိပ်ကနေ မနက် ၉ နာရီမှာ ပျံတက်ခဲ့တဲ့
Jeju Air လေကြောင်းလိုင်း ခရီးစဉ်အမှတ် 7C2216 ဟာ
တောင်ကိုးရီးယားအဆင်းမှာ ပျက်ကျတာပါ။
လူ ၁၈၁ ဦးအနက် ၂ ဦိးပဲ ကကယ်တင်နိုင်ခဲ့ပြီး အလောင်း ၆၂ လောင်း တွေ့ထားတာပါ၊
ကျန်တဲ့သူတွေလည်း သေဆုံးသွားတဲ့သဘောမို့ အတည်ပြုသေဆုံးသူအရေအတွက် တိုးလာမှာပါ။
ခရီးသည်တွေက ကိုရီးယားနိုင်ငံသား ၁၇၃ ဦးနဲ့ ထိုင်း ၂ ဦးပါ၊ လေယာဉ် အမှုထမ်းခြောက်ဦးပါ။
အင်ဂျင်နှစ်လုံးတပ် လေယာဉ်ဟာ ဘီးမချနိုင်ဘဲ ဆင်းလာပြီး ပြေးလမ်းပေါ်က ချော်ကျသွားတာ တွေ့ရပါတယ်။ အဆင်းမှာ ငှက်အုပ်နဲ့ တိုက်မိပြီး ဘီးမချနိုင်တာလို့ သတင်းထွက်ခဲ့ပါတယ်။
Boeing 737-800 ဂျက်လေယာဉ်ဖြစ်ပြီး အသေအပျောက်နဲ့ ပျက်ကျတဲ့ အကြောင်းရင်းအပါအဝင် အသေးစိတ်အချက်အလက်တွေ စုံစမ်းဆဲဲပါ။
Credit
