#ကြက်ကာလသားဟင်း
#ကြက်သားနှင့်ဗူးသီးကာလသားချက်?
🔸🔸🔸🔸🔸🔸🔸🔸🔸
🍲 ဒီဟင်းပွဲကို ဗမာကြက်နဲ့ ချက်ရင်အကောင်းဆုံးဆိုပေမယ့်
ဘာကြက်နဲ့ဖြစ်ဖြစ်ချက်လို့ရပါတယ်။အရသာတော့နည်းနည်းကွာတာပေါ့နော်🍽️
🔹ပါဝင်ပစ္စည်းလေးတွေ🔹
🔹ဗမာကြက်(အိမ်ကြက်)........၁ကောင်
🔹ဗူးသီးနုနုသေးသေး............၁လုံး
🔹ကြက်သွန်နီ.....................၂လုံး
🔹ခရမ်းချဉ်သီး.....................၂လုံး
🔹ချင်း+ကြက်သွန်ဖြူ........... အနည်းငယ်စီ
🔹ငရုတ်သီးခြောက်(သို့)စိမ်း...၅တောင့်ခန့်
🔹ငါးပိ..............................အနည်းငယ်
🔹စပါးလင်........................၃ပင်
----------------------
👩🍳 ကဲ ချက်ကြည့်ကြစို့ 👩🍳
1️⃣ ကွကျသားတှကေိုကွိုကျသလိုအတုံးလေးတှေခုတျပါ။
2️⃣ ကြက်သွန်နီ၊ ကြက်သွန်ဖြူ ၊ ချင်း ၊ ငရုတ်သီးတွေကိုရောထောင်းပြီးကြက်သားထဲထည့်ပါ။
3️⃣ အတော်အသင့်လှီးထားတဲ့ခရမ်းချဉ်သီးတွေလဲထည့်ပါ။
4️⃣ ဆား၊ ငါးငံပြာရည် ၊ နနွင်း၊ အရောင်တင်အမှုန့်၊ ငါးပိ၊ ဟင်းခတ်မှုန့်ထည့်ပြီးနယ်ပါ။
5️⃣ ချက်မယ့်အိုးမှာဆီကိုအပူပေးပြီးဓားပြားရိုက် လုံးချေထားတဲ့စပါးလင်ကိုမွှေးအောင်ဆီသပ်ပါ။
6️⃣ အရသာနယ်ထားတဲ့ကြက်သားတွေထည့်ပြီးလုံးချက် ချက်ပါ။
7️⃣ ကြက်သားတစ်ရေခမ်းလောက်တဲ့အခါခပ်ရွယ်ရွယ်လှီးထားတဲ့ဗူးသီးနုနုတွေထည့်ပါ။
👩🍳ဒီနေရာမှာ ဗူးသီးကစိမ်းပြီးနူးအိတဲ့အကြောင်းကိုရှင်းပြပါ့မယ်
(ကြက်သားနဲ့ ဗူးသီးရောပြီးတဲ့အချိန်မှာအဖုံးအုပ်ထားရပါမယ်။အငွေ့ကြောင့်ဗူးသီးလေးတွေစိမ်းပြီး အိလာပါမယ်။)
8️⃣ အရသာမြည်းစမ်းကြည့်ပါ။ကိုယ်လိုချင်တဲ့အရသာ၊ကြက်သားရဲ့နူးအိမှု ဗူးသီးရဲ့အစိမ်းရောင်မပြောင်းပဲပျော်ဝင်မှု ရပြီဆိုရင်အဖုံးဖွင့်လိုက်ပါ။
‼️ဒီအချိန်က ဟင်းပွဲရဲဲ့အလှဆုံးအဓိကအကျဆံုးအချိန်ပါ။မေ့လျောပြီးအဖုံးပိတ်ထားရင် ဗူးသီးတွေဝါသွားပါလိမ့်မယ်။‼️
အနည်းငယ်အေးသွားလို့ပြန်နွှေးတဲ့အခါတိုင်းမှာလဲ အဖုံးဖွင့်နွှေးပါ။
👩🍳အဓိကပြောချင်တဲ့ main pointက အစိမ်းရောင်ရှိတဲ့အသီးအရွက်တွေကိုအငွေ့(သို့)
မီးအပူချိန်ကြောင့်စိမ်းစေပါတယ်။👈
ရေနဲ့ပြုတ်တဲ့အသီးအရွက်တွေကိုမီးအပူချိန် ၊အငွေ့လုံစေတဲ့ နည်းနဲ့ ပြုတ်ရင်စိမ်းမှာဖြစ်ပေမယ့် အငွေ့ကြောင့်စိမ့်ပြီးနူးအိနေတဲ့အသီးအရွက်တွေကိုအဖုံးပိတ်လိုက်ရင်တော့အရောင်ပြောင်းသွားပါလိမ့်မယ်။
👩🍳 ကဲ ဒါဆိုရင်အရောင်အသွေးရော အရသာရောရှယ်ခံတွင်းတွေ့မယ့် ကြက်ကာလသားချက်လေးရပါပြီ🍲
