မြန်မာပြည်မှာဆိုရင် "နတ်လမ်း" လို့ခေါ်တွင်ခံရမယ့် ဘရာဇီးလ်က "Moses' Way"
ဘရာဇီးလ်နိုင်ငံကတော့ ထူးဆန်းတဲ့ သဘာဝဖြစ်စဉ်တွေနဲ့ သိပ်မစိမ်းတဲ့ နိုင်ငံတွေထဲကတခုပါပဲ။
ဒီလိုထူးခြားဆန်းကြယ်မှုတွေ ပြည့်နှက်နေရာနိုင်ငံမှာ သဘာဝတရား​က မွေးဖွားပေးလိုက်တဲ့ လမ်းလေးတလမ်း ရှိပါတယ်။
ဒီလမ်းလေးဟာ Barra Grnde သို့မဟုတ် Big Piece ကမ်းခြေပေါ်မှာ ဖြစ်တည်လာခဲ့တာဖြစ်ပြီး
လူဦးရေ ၃၅,ဝဝဝ ရှိတဲ့ မာရာကိုဂီမြို့ငယ်လေးမှ ၃ ကီလိုမီတာအကွာမှာ တည်ရှိပါတယ်။
မြို့တော် မကာအိုမှ ၁၂၅ ကီလိုမီတာအကွာ၊ ဘရာဇီးရဲ့ မြောက်ဘက်ကို အပိုင်းနှစ်ပိုင်း ခွဲခြားပစ်လိုက်တဲ့ ဒီလမ်းဟာ မီတာ ၁၀၀၀ ခန့် ရှည်လျားသော ရေအောက်လမ်းတခုပါ။
ရေအောက်ထဲက ဖြစ်တည်လာတဲ့ လမ်းတလမ်းဖြစ်ပေမဲ့ ဖြတ်သန်းသွားသူများအနေနဲ့ ဘေးကင်းစွာ ဖြတ်သန်းသွားလာနိုင်တဲ့ လမ်းတခုဖြစ်ပြီး
ဒီလမ်းကို ဒေသခံတွေက အမှတ်တရအဖြစ် "Caminho do Moises" သို့မဟုတ် "Moses Road" လို့ ခေါ်ဆိုကြပါတယ်။
ထိုဒေသရှိ သမုဒ္ဒရာကို ပိုင်းခြားခြင်းဟာ သဘာဝတရားရဲ့ အစီအမံဖြစ်တဲ့ ရှားပါးသော လှိုင်းလုံးများသာ ဖြစ်ပါတယ်၊၊
ဒေသန္တရသိပ္ပံနဲ့ အခြားခရီးသွား အကူအညီများဖြင့် နက်ရှိုင်းသော ပင်လယ်ကွဲကြောင်းကို ကြည့်ရှုရန်အတွက် ဧည့်လမ်းညွှန်တစ်ဦးနဲ့ အတူ ဖြတ်သန်းနိုင်ပါတယ်။
ဒီလမ်းရဲ့ နောက်ကွယ်မှာ သူ့ရဲ့အထင် ကရ ဒဏ္ဍာရီတခုရှိနေပြီး ဖာရိုဘုရင်နဲ့ သူ့ရဲ့ စ-စ်သည်တော်များကြားက ကတိပြုထားချက်ကြောင့် ပင်လယ်ရေဟာ နှစ်ခြမ်းကွဲသွားခဲ့ကြောင်း ဆိုထားပါတယ်။
ပင်လယ်ပြင်ကို မီတာ ၁၀၀၀ ခန့် ရှည်လျားသော သဲသောင်ပြင်လမ်းက နှစ်ခြမ်း ပိုင်းခြားလိုက်ချိန်မှာတော့
ခရီးသွားများ၊ နိုင်ငံတကာက လည်ပတ်သူများက စိတ်တိုင်းကျ ဘေးကင်းစွာ ဖြတ်သန်းနိုင်ပါတော့တယ်။
Moses' Way ဟာ အထက်မှာ ဖော်ပြထားသလိုပဲ သဘာဝရဲ့ဖြစ်စဉ်တစ်ခုပါ။
ဒီဖြစ်စဉ်ဟာ မတ်လမှ ဇွန်လအတွင်း တစ်နှစ်လျှင် ၂ ကြိမ် သို့မဟုတ် ၃ ကြိမ်အထိ ဖြစ်ပွားတတ်ပါတယ်။
ဒီသဲခုံရေအောက်လမ်းဟာ ရေလှိုင်းတွေရဲ့ ထူးခြားတဲ့ သဘာဝဖြစ်စဉ်အောက်မှာ တစ်နာရီအကြာ ပေါ်ပေါက်လာကာ
တစ်နာရီကြာပြီးနောက်မှာတော့ နောက်ထပ် ရေလှိုင်းတွေရဲ့ ရိုက်ခတ်မှုတွေအောက်မှာ ပျောက်ကွယ်သွားပါတယ်။
ဒီလိုဖြစ်လာတဲ့အခါ သဲလမ်းကြောင်းဟာ ၁ နာရီခန့်ကြာအောင် မြင်နေရပြီး ၁ နာရီဆိုတာကတော့ ပင်လယ်ကို လမ်းဖြစ်ပေါ်လာတုန်း ဖြတ်ကျော်နိုင်တဲ့ အချိန်ပမာဏ ဖြစ်ပါတယ်။
ဘရာဇီးလ်က ဒီသဲခုံစွယ် ရေအောက် လမ်း ပင်လယ်ကွဲဖြစ်စဉ်ဟာ ကမ္ဘာပေါ်က အထူးဆန်းဆုံး သဘာဝဖြစ်စဉ်များထဲမှတခုအဖြစ်လည်း သတ်မှတ်ခံထားရပါတယ်။
နောက်ထပ် စိတ်ဝင်စားစရာကောင်းတဲ့တချက်က ပင်လယ်ရေက နှစ်ခြမ်းကွဲသွားတဲ့အခါ တဖက်က အခြားတဖက်ထက် ပိုအေးနေတာပါပဲ။
အကယ်၍ သင့်အနေနဲ့ ဒီကမ္ဘာလှည့်ခရီးသည်များ ဆွဲဆောင်ရာနေရာသို့ သွားလိုပါကလည်း ဒေသခံဧည့်လမ်းညွှန်တွေက ဒီဖြစ်စဉ်ကို မြင်တွေ့နိုင်ရန်အတွက် ကူညီပေးနိုင်ပါတယ်။
ဒေသခံတွေဟာ ဖြစ်စဉ်ဖြစ်ပွားတဲ့အချိန်ကို အတိအကျသိတာကြောင့် အန္တရာယ်ကင်းစွာ ဖြတ်ကျော်နိုင်မှာ ဖြစ်ပါတယ်။
ဒီလိုထူးခြာချက်တွေနဲ့ Moses' လမ်းမှာ သိပ္ပံနည်းကျ ရှင်းပြချက်တခုတော့ ရှိပါတယ်။
လမ်းဖြစ်ပေါ်လာချိန် လမ်းတလျှောက်က သဲကွက်တွေဟာ ကမ်းလွန်ကျွန်းနဲ့ ပြည်မကြီးကြားက လှိုင်းလုံးကြီးတွေက သယ်ဆောင်လာတဲ့ အနည်အနှစ်တွေရဲ့ ရလဒ် ဖြစ်ပါတယ်။
အခုလို ပင်လယ်ကွဲခြင်းဖြစ်စဉ်ဟာ ဘရာဇီးလ်မှာသာ တွေ့ရမယ့် ထူးခြားဖြစ်စဉ်မျိုးတော့ မဟုတ်ပါဘူး။
Moses' Way လိုပဲ တောင်ကိုးရီးယားရှိ Jindo ကျွန်းမှာလည်း အလားတူအကျိုးသက်ရောက်မှုကို ရှာဖွေတွေ့ရှိနိုင်ပါတယ်။
#နတ်လမ်း
#ဘရာဇီး
#moses' Way

#crd