မှိုစုံနှမ်းဆီမွှေး
°°°°°°°°°°°°
ဒီမှိုစုံနှမ်းဆီမွှေးလေးကတော့သက်သတ်လွတ်
စားသုံးသူတွေအတွက်သာမကအရံဟင်းကောင်းကောင်းစားချင်သူတွေအတွက်ပါရည်ရွယ်ပါတယ်။
ကောက်ရိုးမှို..............၅ကျပ်သား
ကြက်နားရွက်မှိုအစို.....၅ကျပ်သား
ပင်အပ်မှို................... ၅ကျပ်သား
ငွေနှင်းမှို....................၅ကျပ်သား
ဂျပန်မှိုအညို................၅ကျပ်သား
ကြက်သွန်နီ................၁လုံး
ကြက်သွန်ဖြူ................ ၃တက်
ကြက်သွန်မြိတ်.............၃ပင်
အားလုံးပေါင်းရင်(၂၅)ကျပ်သားဆိုလို့များတယ်ထင်နေပါလိမ့်မယ်။ ဆိုလိုတာကအချိုးတူပါ။
ကြွက်နားရွက်မှိုအစိုမရပါကအခြောက်ကိုရေစိမ်ပြီးလဲသုံးနိူင်ပါတယ်
မှိုတွေကိုအရွယ်ညီသန့်စင်လှီးဖြတ်ပါ။
ရေနွေးပွက်ပွက်ဆူမှာဆားအနည်းငယ်နှင့်သံပုရာသီးတစ်စိတ်ညှစ်ထည့်ပြီးရေနွေးဖျောပါ။
ရေအေးစိမ်ပြီးရေစစ်ထားပါ။
ကြက်သွန်နီ၊ ဖြူ ကိုပါးပါးလှီးပြီးကြက်သွန်မြိတ်ကိုလက်တဆစ်ခန့်လှီးပါ။
ဒယ်ပြားတစ်ခုမှာနှမ်းဆီကိုအပူပေးပြီးကြက်သွန်နီ၊ ကြက်သွန်ဖြူ ကိုဆီသတ်ပါ။
မွှေးလာလျှင်ရေနွေးဖျောထားတဲ့မှိုတွေထည့်ပါ။
သီးရွက်စုံငံပြာရည်(မက်ဂီ)၊ ပဲငံပြာရည်အကြည်၊
သကြား၊ဟင်းခတ်မှုန့်တို့ဖြင့်အရသာဖြည့်ပါ။
သက်သတ်လွတ်မဟုတ်သူများကခရုဆီ၊ကြက်သားမှုန့်တို့အသုံးပြုနိူင်ပါတယ်။
အနှုးမလွန်ခင်မီးဖိုပေါ်မှချပါ။ မီးဖိုပေါ်ကချခါနီးမှာမှကြက်သွန်မြိတ်လေးဖြူ းပေးပါ။
