တရုတ်က စစ်ရေးလေ့ကျင့်နိုင်ခြေရှိချိန် ထိုင်ဝမ်စစ်တပ် လေကြောင်းရန်ကာကွယ်ရေး လေ့ကျင့်
တိုင်ပေ၊ နိုဝင်ဘာ-၂၈-၂၀၂၄
မျိုးဆက်(VOM)
ထိုင်ဝမ်စစ်တပ်ဟာ သမ္မတ လိုင်ချင်းတီရဲ့ ပစိဖိတ်ခရီးစဉ်မတိုင်မီ လေကြောင်းရန်ကာကွယ်ရေး လေ့ကျင့်မှုကို ဒီကနေ့မနက် အစောပိုင်းက ပြုလုပ်ခဲ့ပါတယ်။
ထိုင်ဝမ်နဲ့ ဒေသတွင်းလုံခြုံရေးအဖွဲ့တွေရဲ့ အကဲဖြတ်ချက်အရ ဒီခရီးစဉ်ကို အကြောင်းပြုပြီး တရုတ်စစ်ဟာ ထိုင်ဝမ်ကျွန်းအနီးမှာ လာမယ့်ရက်အနည်းငယ်အတွင်း စစ်ရေးလေ့ကျင့်မှု စတင်ဖွယ်ရှိတယ်လို့ သုံးသပ်ထားကြပါတယ်။
ထိုင်ဝမ်စစ်တပ်ကတော့ လိုင်ချင်းတီရဲ့ ခရီးစဉ်ကို ရည်ညွှန်းပြောဆိုတာမရှိပေမယ့် မနက် ၅ နာရီကနေ လေယာဉ်တွေ၊ သင်္ဘောတွေနဲ့ ဒုံးကျည်စနစ်တွေနဲ့ အလုံးစုံလေကြောင်းရန် ကာကွယ်မှုနဲ့ တိုက်ပွဲဝင်မှု လေ့ကျင့်မှု ပြုလုပ်ခဲ့တယ်လို့ ထုတ်ပြန်ထားပါတယ်။
ဒါဟာ လေကြောင်းရန်ကာကွယ်ရေး စစ်ဆင်မှုရဲ့ အလုံးစုံထိရောက်မှုကို အားကောင်းလာစေဖို့နဲ့ တပ်ဖွဲ့တွေရဲ့ တုံ့ပြန်မှုနဲ့ ထိတွေ့ဆက်ဆံမှုဆိုင်ရာ လုပ်ထုံးလုပ်နည်းတွေကို စမ်းသပ်ဖို့ဖြစ်တယ်လို့ ထိုင်ဝမ်စစ်တပ်က ဆိုပါတယ်။
တရုတ်ဟာ ထိုင်ဝမ်ဝန်းကျင်မှာ ယခုနှစ်အတွင်း စစ်ရေးလေ့ကျင့်ကြီး နှစ်ကြိမ်ပြုလုပ်ထားပြီး နေ့စဉ် လေယာဉ်နဲ့ သင်္ဘောတွေကို ထိုင်ဝမ်အနီးကို နေ့စဉ်လိုလို စေလွှတ်လေ့ရှိပြီး မကြာသေးမီကလည်း မိုးပျံပူပေါင်းတလုံး ဖြတ်သန်းပျံသန်းခဲ့ပါသေးတယ်။
ထိုင်ဝမ်သမ္မတ လိုင်ချင်းတီဟာ လာမယ့် စနေနေ့မှာ ခရီးစဉ်စတင်မှာဖြစ်ပြီး အမေရိကန်ကိုလည်း သွားရောက်မှာဖြစ်ပါတယ်။ ဒီခရီးစဉ်ကို အကြောင်းပြုပြီး စစ်ရေးလေ့ကျင့်မယ်ဆိုရင် ဒေသတွင်း တည်ငြိမ်အေးချမ်းရေးကို အနှောက်အယှက်ပြုတာဖြစ်ကြောင်း ထိုင်ဝမ်သမ္မတရုံးက ထုတ်ပြန်ထားပါတယ်။
Ref:Reuters
Photo:Reuters
Credit - VOM News Agency
#သတင်းဟင်းလေးအိုးကြီး
