Tesla ကား မီးလောင်ရာမှာ တံခါး ဖွင့်မရလို့ လူ ၄ ယောက် ေ-သဆုံး
======================================
Tesla ကား တစ်စီး မီးလောင်ရာမှာ တံခါး ဖွင့်မရလို့ လူ ၄ ယောက် ေ-သဆုံးသွားတဲ့ ဖြစ်ရပ် ကနေဒါ နိုင်ငံ တိုရွန်တိုမှာ ဖြစ်ပွားခဲ့ပါတယ်။
လူ ၅ ယောက် စီးလာတဲ့ Tesla Model Y ကားမှာ ယာဉ်မောင်းဟာ ကားကို မထိန်းနိုင်ဘဲ တံတား ကွန်ကရစ်တိုင်ကို ဝင်တိုက်မိသွားပါတယ်။ ကားမီးလောင်သွားပြီး ကားပေါ်ပါတဲ့ လူတွေက တံခါးကို ဖွင့်ဖို့ ကြိုးစားပေမယ့် ဖွင့်လို့ မရခဲ့ဘူးလို့ ဖြစ်ရပ်ကို မြင်တွေ့ခဲ့တဲ့ လူ တစ်ယောက်က ပြောပြပါတယ်။
အဲဒီလူက ကားတံခါးကို ရိုက်ခွဲပြီး အမျိုးသမီး တစ်ယောက်ကို ကယ်တင်ခဲ့ပါတယ်။ မီးခိုးများနေတဲ့အတွက် ကားထဲမှာ တခြားလူတွေ ရှိသေးလားဆိုတာကို အဲဒီလူက မသိခဲ့ဘူးလို့ ပြောပါတယ်။
မီးသတ်ဌာနမှ Jim Jessop က မီးသတ်သမားတွေ ရောက်လာတဲ့အချိန်မှာ ကားဟာ လုံးဝမီးလောင်ကျွမ်းနေပြီလို့ ပြောပါတယ်။ လူ ၄ ယောက် ေ-သဆုံးနေတာကို မီးငြိမ်းသတ်ပြီးနောက်မှာ တွေ့ခဲ့ရပါတယ်။ အဲဒီအထဲမှာ အမျိုးသား ၃ ယောက်နဲ့ အမျိုးသမီး ၁ ယောက် ပါဝင်ပါတယ်။
လောလောဆယ်မှာ ရဲတွေက ဒီအမှုကို စုံစမ်းစစ်ဆေးနေပါတယ်။
Ref : theverge
Digital times
