ဆွမ်းကုသိုလ် လှုဒါန်းခြင်းရဲ့ ကောင်းကျိုးများ
မြတ်ဘုရားရဲ့ တရားဒေသနာတော်တွေကို နာကြားရုံသာမကပဲ လက်တွေ့လိုက်နာကျင့်သုံးမှသာတရားဓမ္မရဲ့ အနှစ်သာရကို အစစ်အမှန်ကို ဖော်ဆောင်နိုင်မှာ ဖြစ်တယ်လို့ မြတ်စွာဘုရားရှင်ကိုယ်တော်မြတ်ကြီးက ဟောဖော်ညွှန်ပြ ဆိုဆုံးမခဲ့ပါတယ်။
ဆွမ်းအလှုဟုဆိုရလျှင် မြတ်စွာဘုရားသခင်လက်ထက်တော်က သုဇာတာသတို့သမီးရဲ့ ဂဃနာနို့ဆွမ်း အလှုကို အနည်းငယ်မှ ပြောပြပေးချင်ပါတယ်။သုဇာတာဟာ ဂေါတမမြတ်စွာဘုရားရှင်လက်ထက်အခါတွင် ပထမဆုံးသရဏဂုံတည်တဲ့နေရာမှာ ဧတဒဂ်ဘွဲ့ ရခဲ့ပြီး ဥရုဝေလတောအနီး သေနာနိဂုံးရွာမှ သူဌေးကြီးသေနိယရဲ့သမီးဖြစ်ပါတယ်။
သူဌေးသမီး သုဇာတာသည် ပထမကိုယ်ဝန်တွင် သားယောက်ျားလေးကို မွေးဖွားပါက ညောင်ပင်စောင့် နတ်မင်းအား ဗလိနတ်စာဖြင့် ပူဇော်မည်ဟု ကတိပေးခဲ့ကာ သားလေး မွေးလာသည့်အခါတွင်လည်း ဗလိနတ်စာ ကျွေးသည့်အမှုကို သားဖြစ်သူ အသက်နှစ်ဆယ်ကျော်လာသည့်တိုင် တစ်ကြိမ်မျှ မပျက်မကွက် ပြုခဲ့ပါတယ်။
မြတ်စွာဘုရားရှင်သည် ဘုရားအဖြစ်သို့ရောက်ရှိရန် ဗောဓိညောင်ပင်၌ ဈာန်သမာပတ်ဝင်စားနေချိန် သုဇာတာသည် ရွှေခွက်ထဲသို့ နို့ဃနာတို့ကို ထည့်ကာ ညောင်ပင်သို့လာခဲ့ပါတယ်။
ဗောဓိညောင်ပင်သို့ ရောက်သောအခါ ဘုရားရှင်သည် မလှုပ်မယှက် ငြိမ်သက်ကာနေသည်ကို မြင်လေသော် ညောင်ပင်စောင့်နတ်မင်း အမှတ်ဖြင့် "အရှင် ဤရွှေခွက်နှင့်တကွ နို့ဃနာတို့ကို လှူဒါန်းပါတယ်၊ ရွှေခွက်ကိုပါယူပြီး အလိုရှိရာ ကြွနိုင်ပါတယ်" ဟု ပြောဆိုလျှောက်ထား ဦးချကာ ပြန်လာခဲ့လေသည်။
ထိုနေ့ညနေ နေမဝင်မီတွင် မြတ်စွာဘုရားရှင်သည် မာရ်နတ်ကို အောင်တော်မူပြီး မိုးသောက်ယံတွင် ဘုရားဖြစ်တော်မူခဲ့လေသည်။ ထို့နောက် သုဇာတာ၏ သားဖြစ်သူ ယသသည် မြတ်စွာဘုရားထံတွင် ရဟန်းပြုသွားကြောင်း သိရှိရလေသည်။ သားပျောက်၍ အရှာထွက်သွားသည့် ဖခင်ဖြစ်သူလည်း ဘုရားရှင်၏ တရားကို နာကြားရကာ သရဏဂုံ တည်လေသည်။ နောက်တစ်နေ့မနက် ဘုရားရှင်နှင့်အတူ သံဃာတော်များ ကြွလာ၍ တရားတော်များနာကြားရသည့်အခါ ချွေးမဖြစ်သူနှင့် သုဇာတာတို့သည် သောတာပန် များ ဖြစ်ခဲ့ရလေပါတယ်။
သို့တည်းကြောင့်မြတ်စွာဘုရားဟောကြားတော်မူခဲ့တဲ့ မွန်မြတ်တဲ့အလှုဒါနများထဲက တစ်ခုဖြစ်တဲ့
ဆွမ်းအလှု အကြောင်းကိုလည်း တဖန်ပြန်လည်ရေးသားလိုက်ရကြောင်းပါ။
၁။ အာယု = အသက်ရှည်ခြင်း။ ၂။ ဝဏ္ဏ = အဆင်းလှခြင်း။ ၃။ သုခ = ချမ်းသာ များခြင်း။ ၄။ ဗလ = ခွန်အားကြီးခြင်း၊
၅။ ပဋိဘာန = ဥာဏ်ပညာ ကြီးခြင်း။
"ဆွမ်းလှူခြင်း အကျိုး (၅)ပါး”နဲ့ပတ်သက်ပြီးတော့ အခုလို စာဆိုကဝိလဲရှိခဲ့ပါသေးတယ်။
သက်ရှည် ဆင်းလှ၊ ချမ်းသာရ ဗလ ဉာဏ်ပညာ ဆွမ်းလှူ အကျိုး၊ ဤ ငါးမျိုး တန်ခိုးကြီးလှစွာ။
မြတ်စွာဘုရားရှင်ကိုယ်တော်မြတ်ကြီး ဘုရားကျင့်စဉ်ကို သမာပတ်ဝင်စားနိုင်ဖို့ အထိ အထောက်အပံ့ကောင်းပေးနိုင်ခဲ့တဲ့
မွန်မြတ်လှတဲ့ ဆွမ်းကုသိုလ်ကို မျှော်မှန်းနိုင်ပြီး
ဗုဒ္ဓမြတ်စွာဘုရားရှင်ရဲ့ တရားတော်များကိုလဲ သိရှိနားလည် နှလုံးသွင်းနိုင်တဲ့ ပုဂ္ဂိုလ်ထူး၊ပုဂ္ဂိုလ်မြတ်များဖြစ်ကြကာ နိဗ္ဗာန်မင်္ဂဖိုလ်ကို အရောက်လှမ်းနိုင်ကြပါစေကြောင်း ...
#ဓမ္မဒါန
#frankiestories
