တရုတ်-မြန်မာ ယဉ်ကျေးမှုနှင့် ခရီးသွားလာရေးမြှင့်တင်မှုအခမ်းအနားကို ကူမင်းမြို့၌ ကျင်းပပြုလုပ်ခဲ့သည်။

အောက်တိုဘာလ ၁၄ ရက်နေ့တွင် တရုတ်-မြန်မာ ယဉ်ကျေးမှုနှင့် ခရီးသွားလာရေးမြှင့်တင်မှုအခမ်းအနားကို ယူနန်ပြည်နယ် ကူမင်းမြို့၌ ကျင်းပပြုလုပ်ခဲ့သည်။ မြန်မာဘက်အရာရှိများသည် အခမ်းအနားတွင် တရုတ်ခရီးသွားများ မြန်မာနိုင်ငံသို့ လာရောက်လည်ပတ်နိုင်သည့် အခြေအနေများကို ရှင်းလင်းပြောကြားပြီး တရုတ်ခရီးသွားများအား ဖိတ်ခေါ်ခဲ့ကြသည်။

အခမ်းအနားကို ယူနန်ပြည်နယ် အရှေ့တောင်အာရှ-တောင်အာရှ ကုန်သွယ်မှုပူးပေါင်းဆောင်ရွက်မှုဖွံ့ဖြိုးရေးအသင်း၏ လမ်းညွှန်မှုဖြင့် ရှင်းရှင်းခရီးသွားအုပ်စု (Xiangxin Tourism Group) က ဦးဆောင်ကျင်းပခဲ့သည်။ ယဉ်ကျေးမှု၊ ဟိုတယ်နှင့် ခရီးသွားရေးဝန်ကြီးဌာန အမြဲတမ်းအတွင်းရေးမှူး ဦးမောင်မောင်ကျော် ဦးဆောင်သည့် ကိုယ်စားလှယ်အဖွဲ့ တက်ရောက်ခဲ့ပြီး ယူနန်ပြည်နယ်ဆိုင်ရာ အဖွဲ့အစည်းအရာရှိများ၊ တရုတ်-မြန်မာ ခရီးသွားအသင်းများနှင့် လုပ်ငန်းကိုယ်စားလှယ်များလည်း တက်ရောက်ခဲ့ကြသည်။

မြန်မာဘက်မှ လက်ရှိ နိုင်ငံခြားခရီးသွားများ မြန်မာနိုင်ငံသို့ ဝင်ရောက်နိုင်ရေး လွယ်ကူချောမွေ့စေမှုအစီအမံများနှင့် ခရီးသွားဝန်ဆောင်မှုအာမခံအခြေအနေများကို အဓိကရှင်းလင်းပြောကြားပြီး တရုတ်ခရီးသွားများကို ကြိုဆိုလိုကြောင်း ဖော်ပြခဲ့သည်။ တရုတ်-မြန်မာ ခရီးသွားကဏ္ဍ ကိုယ်စားလှယ်များသည် ခရီးစဉ်ထုတ်ကုန်များ၊ စျေးကွက်မြှင့်တင်မှုနှင့် ခရီးသွားအရင်းအမြစ် အပြန်အလှန်ပေးပို့ခြင်းစသည့်အကြောင်းအရာများနှင့် ပတ်သက်ပြီး ဖလှယ်ဆွေးနွေးခဲ့ကြသည်။

ဦးမောင်မောင်ကျော်နှင့် ယူနန်ခရီးသွားအဖွဲ့အစည်းတာဝန်ရှိသူများသည် အခမ်းအနားတွင် အသီးသီးမိန့်ခွန်းပြောကြားပြီး တရုတ်ခရီးသွားများ မြန်မာနိုင်ငံသို့ လာရောက်လည်ပတ်နိုင်သည့် အခြေအနေများကို ရှင်းလင်းကာ တက်ရောက်လာသည့် ကဏ္ဍကိုယ်စားလှယ်များအား မြန်မာခရီးသွားဧည့်ခံဝန်ဆောင်မှုဆိုင်ရာ အချက်အလက်များကို မျှဝေပေးခဲ့သည်။

ကူမင်းအခြေစိုက် မြန်မာကောင်စစ်ဝန်ချုပ် ဦးဇေယျာမျိုးမြင့်သည် ခရီးသွားမြှင့်တင်မှုအပိုင်းတွင် မိန့်ခွန်းပြောကြားပြီး တရုတ်ခရီးသွားများအား မြန်မာနိုင်ငံသို့ လာရောက်လည်ပတ်ရန် ဖိတ်ခေါ်ခဲ့သည်။

အခမ်းအနားသည် တရုတ်-မြန်မာ ယဉ်ကျေးမှုနှင့် ခရီးသွားလာရေးဖလှယ်မှုကို ဗဟိုပြုပြီး မြန်မာခရီးသွားအရင်းအမြစ်များကို မြှင့်တင်ဖော်ပြခြင်း၊ ခရီးသွားများ မြန်မာနိုင်ငံသို့ လာရောက်နိုင်သည့် အခြေအနေများကို ရှင်းလင်းပေးခြင်း၊ နှစ်နိုင်ငံ ခရီးသွားကဏ္ဍအကြား ဆက်သွယ်ပေါင်းစပ်မှု ပလက်ဖောင်းတစ်ခု တည်ဆောက်ပေးခြင်း ရည်ရွယ်သည်။ ယူနန်နှင့် မြန်မာသည် တောင်တန်းမြစ်များဖြင့် ဆက်စပ်နေပြီး ပထဝီအနေအထားအရ နီးစပ်ကာ ယဉ်ကျေးမှုလည်း ဆက်စပ်နေသည်။ ခရီးသွားပူးပေါင်းဆောင်ရွက်မှုသည် တရုတ်-မြန်မာ ပေါက်ဘော်ချစ်ကြည်ရေး၏ အရေးပါသော အစိတ်အပိုင်းတစ်ခုဖြစ်သည်။ ကူမင်းမြို့၌ ကျင်းပသည့် ဤမြှင့်တင်မှုအခမ်းအနားကြောင့် နှစ်နိုင်ငံ ခရီးသွားစီမံခန့်ခွဲရေးဌာနများ၊ အသင်းအဖွဲ့များနှင့် လုပ်ငန်းများ မျက်နှာချင်းဆိုင် ဆွေးနွေးနိုင်မည်ဖြစ်ပြီး တရုတ်ခရီးသွားများလည်း မြန်မာခရီးသွားအရင်းအမြစ်နှင့် ခရီးသွားရေးအချက်အလက်များကို ပိုမိုရှင်းလင်းစွာ သိရှိနိုင်မည်ဖြစ်သည်။