ထားဝယ်ရိုးရာယဉ်ကျေးမှု၊ ဝတ်စားဆင်ယင်မှုနှင့် ရိုးရာတူရိယာများကို စနစ်တကျထိန်းသိမ်း၍ ပြန်လည်ဖော်ထုတ်ပြသရန် နိုင်ငံတော်သမ္မတ မှာကြား
ထားဝယ်ဒေသ၏ ရိုးရာယဉ်ကျေးမှုစရိုက်လက္ခဏာများ၊ ဝတ်စားဆင်ယင်မှုများနှင့် ရိုးရာတူရိယာပစ္စည်းများကို စနစ်တကျထိန်းသိမ်း၍ ပြန်လည်ဖော်ထုတ်ပြသရန် နိုင်ငံတော်သမ္မတ ဦးမင်းအောင်လှိုင်က မှာကြားခဲ့သည်။
နိုင်ငံတော်သမ္မတသည် အောက်တိုဘာ ၁၃ ရက် နံနက်ပိုင်းတွင် ထားဝယ်မြို့၌ တနင်္သာရီတိုင်းဒေသကြီးအတွင်းရှိ တိုင်း၊ ခရိုင်၊ မြို့နယ်အဆင့် တာဝန်ရှိသူများ၊ မြို့မိမြို့ဖများနှင့် အသေးစား၊ အငယ်စားနှင့် အလတ်စား စီးပွားရေးလုပ်ငန်းရှင်များအား တွေ့ဆုံ၍ ဒေသဖွံ့ဖြိုးရေးဆိုင်ရာ ကိစ္စရပ်များ ဆွေးနွေးစဉ် ထည့်သွင်းမှာကြားခဲ့ခြင်းဖြစ်သည်။
ရှေးယခင်ကတည်းက တည်ရှိခဲ့သည့် ထားဝယ်ရိုးရာယဉ်ကျေးမှုအမွေအနှစ်များကို ထိန်းသိမ်းဖော်ထုတ်ရာတွင် ဒေသခံများကိုယ်တိုင် မိမိတို့၏ ယဉ်ကျေးမှုကို မြတ်နိုးတန်ဖိုးထားရန် လိုအပ်ပြီး မြို့မိမြို့ဖများနှင့် သက်ဆိုင်ရာတာဝန်ရှိသူများက ဦးဆောင်ဆောင်ရွက်ကြရန် ပြောကြားခဲ့သည်။
ထို့ပြင် အမျိုးသားယဉ်ကျေးမှုစရိုက်လက္ခဏာများကို အစဉ်အဆက် လက်ဆင့်ကမ်းထိန်းသိမ်းခြင်းဖြင့် နိုင်ငံချစ်စိတ်နှင့် မျိုးချစ်စိတ်များ ပိုမိုနိုးကြားလာမည်ဖြစ်ကြောင်း နိုင်ငံတော်သမ္မတက ပြောကြားခဲ့သည်။
