မက်ဆီခေတ် နောက်ပိုင်းမှာလည်း အာဂျင်တီးနားအသင်း ဆက်လက်တောက်ပနေမယ်လို့ စကာလိုနီ ယုံကြည်
အာဂျင်တီးနားအသင်းနည်းပြဖြစ်သူ စကာလိုနီက အသင်းခေါင်းဆောင် မက်ဆီ ရဲ့ခေတ်တစ်ခေတ် ကုန်ဆုံးသွားရင်လည်း နိုင်ငံလက်ရွေးစင်အသင်းရဲ့အနာဂတ် ဆက်လက်တောက်ပနေလိမ့်မယ်လို့ ယုံကြည်နေပါတယ်။
စကာလိုနီဟာ ယနေ့ မက်ဆီနဲ့နှုတ်ဆက်ပွဲအဖြစ် ကစားမယ့် ဘီနင်အသင်းနဲ့ အိမ်ကွင်းခြေစမ်းပွဲမတိုင်ခင် ပွဲကြိုသတင်းစာရှင်းလင်းပွဲမှာ အခုလို ပြောကြားခဲ့တာပါ
''အာဂျင်တီးနားလက်ရွေးစင်အသင်းအနေနဲ့ ခံနိုင်ရည်ရှိရပါမယ်။ ကျွန်တော်တို့ ထိပ်တန်းအဆင့်မှာ ဆက်လက်ရှိနေပါလိမ့်မယ်။ ဒါကို ကျွန်တော် သံသယမဖြစ်မိပါဘူး''
လို့ စကာလိုနီက ပြောကြားခဲ့ပါတယ်။
မက်ဆီရဲ့နှုတ်ဆက်ပွဲကို ၂၀၂၂ ကမ္ဘာ့ဖလားချန်ပီယံ အသင်းသားအများစု တက်ရောက်မှာဖြစ်ပေမဲ့ ဒီဘားလား၊ မိုလီနာနဲ့ အယ်လေယန်ဒရိုဂိုးမက်ဇ်စတဲ့ ကစားသမားတချို့ မတက်ရောက်နိုင်ဘူးလို့လည်း သိရပါတယ်
မက်ဆီနဲ့ပတ်သက်ပြီး စကာလိုနီက ''မက်ဆီဟာ ပြိုင်ဘက်ကင်းတဲ့ တစ်စုံတစ်ရာကို ချန်ထားရစ်ခဲ့ပါတယ်။ ကျွန်တော်တို့ ဆက် သွားရမှာဖြစ်ပေမဲ့ ကွင်းထဲမှာ သူရှိနေတဲ့
ခံစားချက်က ထူးခြားပါတယ်။ ဘောလုံးကွင်းထဲမှာ သူ ဘာတွေ လုပ်နေသလဲဆိုတာကို သူမှတစ်ပါး သိရှိတဲ့သူ တစ်ဦးတစ်ယောက်မျှ ကျွန်တော် မမြင်ဖူးပါဘူး။ အဲဒါက ကျွန်တော် တို့ လွမ်းရမယ့် အရာပါပဲ။ ယခုအခါမှာတော့ ကျွန်တော်တို့ထံမှာ လွမ်းဆွတ်တမ်းတမှုတွေ သာ ကျန်ပါတော့တယ်။ ဒါကတော့ အသင်းမှာ သူ မရှိတော့လို့ပါ။ သူဟာ မယုံနိုင်စရာ ကောင်းတဲ့ စံနမူနာပြယုဂ်တစ်ခုပါပဲ။ ပထမဆုံး သူရောက်လာတယ်၊ နောက်ဆုံး သူထွက်သွားခဲ့တယ်။ သူ့ကိုယ်သူ ဘယ်လိုဂရုစိုက်သ လဲ၊ ပွဲတစ်ပွဲချင်းစီကို သူ ဘယ်လိုရင်ဆိုင်သလဲ။ သူ့ရဲ့ကစားပုံကို ကြည့်ရုံနဲ့တင် သူဟာ ထူးချွန်ထက်မြက်တဲ့ ကစားသမားတစ်ဦးဖြစ် မှန်း သိသာထင်ရှားပါတယ်။ ဒါ့အပြင် သူ့ နောက်ကွယ်မှာ အသင်းဖော်တွေသာ မြင်တွေ့နိုင်တဲ့ အရည်အသွေးကောင်းတွေလည်း သူ့မှာ ရှိနေတယ်။ သူဟာ အကောင်းဆုံးသော ပုဂ္ဂိုလ်တစ်ဦးလည်း ဖြစ်ပါတယ်''လို့ သုံးသပ်ခဲ့ပါတယ်။
