မလေးရှားမှ ပြန်လည်ရောက်ရှိလာသည့် ပဲခူးတိုင်းမှ နေရပ်ပြန် ၁၀၂ ဦး မိသားစုများထံ စနစ်တကျ လွှဲပြောင်း
မလေးရှားနိုင်ငံမှ ပြန်လည်ရောက်ရှိလာသည့် ပဲခူးတိုင်းဒေသကြီးအတွင်းမှ နေ ရပ်ပြန်ပြည်သူ ၁၀၂ ဦးကို ယနေ့ အောက် တိုဘာ ၄ ရက်တွင် တိုင်းဒေသကြီးအစိုးရ အဖွဲ့ တာဝန်ရှိသူများက သက်ဆိုင်ရာ ခရိုင်၊ မြို့နယ်တာဝန်ရှိသူများနှင့် မိသား စုဝင်များထံ စနစ်တကျ လွှဲပြောင်းပေး အပ်ခဲ့ကြောင်း တိုင်းဒေသကြီး အစိုးရ အဖွဲ့ထံက သိရသည်။
မလေးရှားနိုင်ငံတွင် အခက်အခဲမျိုးစုံ ရင် ဆိုင်ခဲ့ရသည့် မြန်မာနိုင်ငံသားများသည် တပ်မတော် စစ်ရေယာဉ်ဖြင့် အမိမြန်မာ နိုင်ငံသို့ ပြန်လည်ရောက်ရှိလာခဲ့ပြီး ပဲခူး တိုင်းဒေသကြီးအတွင်းမှ နေရပ်ပြန်ပြည်သူများကို တိုင်းဒေသကြီးအစိုးရအဖွဲ့ ဝန် ကြီးချုပ်၏ လမ်းညွှန်ချက်ဖြင့် တာဝန်ရှိသူများနှင့် ဌာနဆိုင်ရာများက မော်တော် ယာဉ်များဖြင့် သွားရောက်ခေါ်ဆောင်ခဲ့ကြောင်း သိရသည်။
ထိုနေရပ်ပြန်ပြည်သူများအနက် ပဲခူး တိုင်းဒေသကြီးရှိ ခရိုင် ၆ ခုမှ အမျိုးသား ၉၂ ဦးနှင့် အမျိုးသမီး ၁၀ ဦး၊ စုစုပေါင်း ၁၀၂ ဦး ပါဝင်ပြီး ပဲခူးတိုင်းဒေသကြီးအစိုးရအဖွဲ့ရုံးဝန်းအတွင်းသို့ မွန်းလွဲပိုင်းတွင် ရောက်ရှိခဲ့သည်။
ထို့နောက် သက်ဆိုင်ရာ ခရိုင်နှင့် မြို့နယ်တာဝန်ရှိသူများမှတစ်ဆင့် နေရပ်ပြန်ပြည်သူများကို မိသားစုဝင်များထံ စနစ် တကျ ပြန်လည်လွှဲပြောင်းပေးအပ်ခဲ့ရာ မိသားစုဝင်များက ကြိုဆိုခဲ့ကြကြောင်း သိရသည်။
