ပြည်ပနိုင်ငံများတွင် အခက်အခဲကြုံတွေ့နေရသည့် မြန် မာနိုင်ငံသားများကို နိုင်ငံတော်အစိုးရကပြန်လည်ခေါ်ဆောင်ပေးနေ

ယနေ့တွင်လည်း မလေးရှားနိုင်ငံတွင်အခက်အခဲကြုံ တွေ့နေသည့် မြန်မာနိုင်ငံသား(၁,၄၇၆)ဦးပြန်လည်ရောက်ရှိလာ

နိုင်ငံတော်အစိုးရက ပြည်ပနိုင်ငံများတွင်အကြောင်းအမျိုးမျိုးကြောင့်အခက်အခဲဒုက္ခကြုံတွေ့နေရသည့် မြန်မာနိုင်ငံသားများအား လူသာချင်းစာနာထောက် ထားမှုအရ ကူညီကယ်ဆယ်ရေးနှင့် မြန်မာနိုင်ငံသို့ ပြန် လည်ခေါ်ဆောင်နိုင်ရေးတို့ကို အလေးထားဆောင်ရွက်လျက်ရှိကြောင်း သိရသည်။

ထို့ကြောင့် ကမ္ဘောဒီးယားနိုင်ငံ၌ အခက်အခဲကြုံတွေ့နေရသည့် မြန်မာနိုင်ငံသား(၁,၉၀၅)ဦးအား ၂၀၂၆ ခုနှစ်၊ ဇန်နဝါရီလမှ စက်တင်ဘာလအထိ တပ်မတော်လေ ယာဉ်၊ စင်းလုံးငှားလေယာဉ်များဖြင့်၊ အိန္ဒိယနိုင်ငံရေပိုင်နက်အတွင်းသို့ တရားမဝင်ဝင်ရောက်မှုဖြင့် အိန္ဒိယနိုင်ငံ၊ ပို့ဘလဲမြို့၌ ထိန်းသိမ်းခံထားရသည့် မြန်မာရေ လုပ်သား(၂၆)ဦးအား ၂၀၂၆ ခုနှစ်၊ ဇူလိုင် ၂၃ ရက်တွင် MAI လေကြောင်းလိုင်းဖြင့်ပြန်လည်ခေါ်ဆောင်ပေးခဲ့ကြောင်း သိရသည်။

ထို့ပြင် မလေးရှားနိုင်ငံ၌ တရားမဝင်နေထိုင်မှုများကြောင့် ပြစ်ဒဏ်များကျခံခဲ့ပြီးနောက် မြန်မာနိုင်ငံသို့ပြန်ရန် အခက်အခဲကြုံတွေ့နေရသည့် မြန်မာနိုင်ငံသား (၁,၀၈၆)ဦးကိုလည်း ၂၀၂၁ ခုနှစ်၊ ဖေဖော်ဝါရီ ၂၃ ရက်တွင် တပ်မတော်ရေယာဉ်များ၊ မြန်မာနိုင်ငံသား (၈,၀၄၁)ဦးကို ၂၀၂၆ ခုနှစ်၊ ဇန်နဝါရီလမှ ဩဂုတ်လကုန်အထိ လေယာဉ်များဖြင့်လည်းကောင်း အသီးသီးပြန်လည်ခေါ်ဆောင်ပေးခဲ့ကြောင်း သိရသည်။

ယနေ့ အောက်တိုဘာ ၄ ရက်နံနက်ပိုင်းတွင်လည်း အ မှတ်(၃)ဆိပ်ခံတံတား(သီလဝါ)သို့ မလေးရှားနိုင်ငံမှခေါ်ဆောင်ရန်ကျန်ရှိနေသည့် မြန်မာနိုင်ငံသား(၁,၄၇၆) ဦးက်ုတင်ဆောင်လာသည့် မြန်မာ့တပ်မတော်(ရေ)မှ စစ်ရေယာဉ်(မုတ္တမ)၊ ပင်လယ်သွားဆေးရုံရေယာဉ် (သံလွင်)၊ စစ်ရေယာဉ်(ဆင်ဖြူရှင်)တို့ဆိုက်ကပ်ရောက်ရှိခဲ့ကြောင်း သိရသည်။

ထိုသို့ ရောက်ရှိချိန်တွင် သက်ဆိုင်ရာဝန်ကြီးဌာနများမှတာဝန်ရှိသူများ၊ တိုင်းအစိုးရအဖွဲ့ဝင်များနှင့် မိသားစုဝင်များကကြိုဆိုခဲ့ကြပြီး အစားအစာများကျွေးမွေး၍ ခေတ္တနားခိုရန် အသင့်စီစဉ်ထားသောစုရပ်နေရာများသို့ ပို့ဆောင်ပေးခဲ့ကြပြီး သက်ဆိုင်ရာ တာဝန်ရှိသူများက စိစစ်လက်ခံရေးဆောင်ရွက်ကာ တိုင်း/ပြည်နယ်အစိုးရ အဖွဲ့ကိုယ်စားလှယ်များထံစနစ်တကျလွှဲပြောင်းပေးခဲ့ကြကြောင်း သိရသည်။

ထို့ပြင် လူဝင်မှု ကြီးကြပ်ရေးနှင့် ပြည်သူ့အင်အားဝန် ကြီးဌာန၊ တာဝန်ရှိသူများကလည်း တိုင်း/ပြည်နယ်များ အလိုက် UID Card များဆောင်ရွက်ပေးလျက်ရှိကာ နေ ရပ်ဝေးကွာသူများအား နေရပ်အသီးသီးသို့ပြန်နိုင်ရန် လိုအပ်သည်များကိုဆက်လက်ကူညီ ပေးသွားမည်ဖြစ်ကြောင်း သိရသည်။

မြန်မာနိုင်ငံသို့ပြန်လည်ခေါ်ဆောင်လာစဥ် လမ်းခရီး၌ စစ်ရေယာဉ်မှတာဝန်ရှိသူများက မြန်မာနိုင်ငံသားများအား နွေးထွေးစွာကြိုဆိုလက်ခံပြီး စစ်ရေယာဉ်များပေါ်တွင် စနစ်တကျနေရာချထားပေးခြင်း၊ လိုအပ်သော ကျန်းမာရေးစောင့်ရှောက်မှုများ ဆောင်ရွက်ပေးခြင်း၊ နေ့စဉ်စားသောက်ဖွယ်ရာများချက်ပြုတ်ကျွေးမွေးခြင်း ၊ စိတ်အပန်းဖြေစေရန် ကြိုက်နှစ်သက်ရာ Game များကစားခြင်းနှင့် ရုပ်ရှင်ဗွီဒီယိုဇာတ်ကားများပြသခြင်း၊ ကိုယ်လက်ကြံ့ခိုင်ရေးစုပေါင်းလေ့ကျင့်ခန်းများပြုလုပ်ခြင်း၊ လိုအပ်သည့် အဝတ်အထည်နှင့် တစ်ကိုယ်ရည်သုံးပစ္စည်းများထောက်ပံ့ပေးအပ်ခြင်းတို့ကိုပြုလုပ်ပေးခဲ့ကြကြောင်း သိရသည်။