UEFA Nations League (၃)ပွဲဆက်ဂိုးသွင်းခဲ့ပြီး စပိန်အသင်းနဲ့အတူ စွမ်းဆောင်ရည်ကောင်းတွေကို ဆက်တိုက်ပြနေတဲ့ ကြယ်ပွင့်တောင်ပံကစားသမား ယမားလ်
စပိန်ကြယ်ပွင့်တောင်ပံတိုက်စစ်ကစားသမား ယမားလ်ဟာ UEFA Nations League ပြိုင်ပွဲအဖြစ် မနေ့ညကကစားခဲ့တဲ့ ချက်နဲ့ပွဲမှာ (၁)ဂိုးသွင်းခဲ့ပြီး စွမ်းဆောင်ရည်ကောင်းတွေကို ဆက်တိုက်ပြသနေပါတယ်။
ယမားလ်အနေနဲ့ စပိန်အသင်းအတွက် အဖွင့်ဂိုးကို (၆)မိနစ်မှာ သွင်းယူခဲ့ပြီး ဒီရာသီ UEFA Nations League (၃)ပွဲဆက် အဖွင့်ဂိုးတွေကို သွင်းယူခဲ့ပါတယ်။
ဒါ့အပြင် ယမားလ်အနေနဲ့ စပိန်အသင်းအတွက် နောက်ဆုံးကစားခဲ့တဲ့ (၁၁)ပွဲမှာ ဂိုးပါပတ်သက်မှု (၁၉)ကြိမ်အထိရှိခဲ့ပြီး (၁၂)ဂိုးသွင်း (၇)ဂိုးဖန်တီးနိုင်ခဲ့တာပါ။
ယမားလ်ပါဝင်ကစားတဲ့ အဲဒီ (၁၁)ပွဲစလုံးမှာလည်း စပိန်အသင်းအနေနဲ့ ရာနှုန်းပြည့်နိုင်ပွဲရယူနိုင်ခဲ့ပါတယ်။
(၁၉)နှစ်အရွယ်သာရှိသေးတဲ့ ယမားလ်ကို ကမ္ဘာ့ထိပ်တန်းကစားသမားတစ်ယောက်လို့ ညွှန်းဆိုရမှာဖြစ်ပြီး Ballon d'Or ဆုအတွက်လည်း ရေပန်းစားနေကြောင်း သိရပါတယ်။
Photos: Plaantik
