ဘာစီလိုနာအတွက် ဒီယွန်း ပြန်ကစားနိုင်တော့မယ်
ကာလရှည်အနားယူနေရတဲ့ ဘာစီလိုနာအသင်းရဲ့ နယ်သာလန်ကွင်းလယ်လူ ဖရန်ကီဒီယွန်းအနေနဲ့ မကြာခင်မှာ အသင်းအတွက် ပြန်လည်ကစားနိုင်တော့မယ်လို့ သိရပါတယ်။
လက်ရှိအချိန်မှာ ဒီယွန်းဟာ ဘာစီလိုနာအသင်းနဲ့အတူ လေ့ကျင့်ခန်းပြန်ဆင်းနေပြီဖြစ်ပြီး နည်းပြ ဟန်ဆီဖလစ်ရဲ့အသင်းမှာ ပြန်လည်ပါဝင်လာတော့မှာပါ။
ဖရန်ကီဒီယွန်းအနေနဲ့ ပြီးခဲ့တဲ့ ၂၀၂၆ ကမ္ဘာ့ဖလားပြိုင်ပွဲ (၁၆)သင်းအဆင့်ရှုံးထွက်ပွဲစဉ်အဖြစ် မော်ရိုကိုအသင်းနဲ့ နယ်သာလန်တို့တွေ့ဆုံတဲ့ပွဲမှာ ဒဏ်ရာရရှိခဲ့ပြီး ကာလရှည်အနားယူခဲ့ရပါတယ်။
၂၀၁၉ ခုနှစ်ကတည်းက အေဂျက်စ်အသင်းကနေ ဘာစီလိုနာအသင်းကို ပြောင်းရွှေ့ခဲ့တဲ့ ဒီယွန်းဟာ ကတ်တလန်ကလပ်အတွက် (၂၉၇)ပွဲကစားထားသူပါ။
စပိန်မီဒီယာတွေရဲ့ ဖော်ပြချက်အရ နည်းပြ ဟန်ဆီဖလစ်အနေနဲ့ ဒီယွန်းကို အရန်ကစားသမားအဖြစ်သာ အသုံးပြုဖွယ်ရှိနေတယ်လို့လည်း သိရပါတယ်။
Photos: x
