ဘဏ္ဍာရေးစည်းမျဉ်းချိုးဖောက်မှု စွပ်စွဲချက်တွေ အဆုံးသတ်ဖို့ အချိန်ကြာဦးမယ်လို့ မန်စီးတီး CEO ပြောကြား
မန်စီးတီးအသင်း အမှုဆောင်အရာရှိချုပ်(CEO)ဖြစ်သူ ဖယ်ရန်ဆိုရီယာနိုက ဘဏ္ဍာရေးစည်းမျဉ်းချိုးဖောက်မှု စွပ်စွဲချက်တွေ အဆုံးသတ်ဖို့ အချိန်ကြာဦးမယ်လို့ ပြောကြားခဲ့ပါတယ်။
ဘဏ္ဍာရေးစည်းမျဉ်းချိုးဖောက်မှု စွဲချက် ၁၁၅ ခုအနက် ၁၁၄ ခုမှာ ပြစ်မှုကျူးလွန်ခဲ့တယ်လို့ သတင်းတွေ ထွက်ပေါ်လာအပြီးမှာ ဆိုရီယာနိုက အခုလို မှတ်ချက်ပြုခဲ့တာပါ။
ဒိန်းမတ်နိုင်ငံ၊ ကိုပင်ဟေဂင်မြို့မှာ ယနေ့ပြုလုပ်မယ့် ဥရောပဘောလုံးကလပ်များ အထွေထွေညီလာခံမတိုင်ခင် တနင်္လာနေ့က ဘုတ်အဖွဲ့အစည်းအဝေးမှာ ဆိုရီယာနိုအနေနဲ့ စိန်ခေါ်တဲ့သတင်းစကားပေးပြီး တုံ့ပြန်ခဲ့တာဖြစ်တယ်။
ဆိုရီယာနိုက စွပ်စွဲချက်များနဲ့ စပ်လျဉ်းပြီး ခုခံချေပသွားမယ်လို့ ကတိပြုခဲ့ပြီး ယင်းလုပ်ငန်းစဉ်မှာ ရှေ့ဆက်လုပ်ဆောင်စရာတွေ များစွာကျန်သေးတယ်လို့ ပြောခဲ့တာပါ။
ဒါ့အပြင် မန်စီးတီးအသင်းဥက္ကဋ္ဌ အယ်လ်မူဘာရက်ရဲ့ ပရိသတ်တွေထံပေးစားမှာပါတဲ့ အကြောင်းအရာတွေ ထပ်လောင်းပြောဆိုခဲ့ပါတယ်။
''ဒီအခြေအနေအတွက် ရှစ်နှစ်လောက် ကြာမြင့်ခဲ့တယ်။ အချိန်အများကြီး ပိုကြာဦးမှာပါ''လို့ ဆိုရီယာနိုက ၂၀၁၈ ခုနှစ်မှာ ပရီးမီးယားလိဂ်က စုံစမ်းစစ်ဆေးမှု စတင်တာကို ကိုးကားပြီး တခြားအသင်းရဲ့ အမှုဆောင်တွေကို ပြောခဲ့ပါတယ်။
အဲဒီနောက် ဆိုရီယာနိုဟာ မီဒီယာတွေရဲ့ မေးခွန်းတွေကို မဖြေကြားဘဲ အစည်းအဝေးကနေ ထွက်ခွာသွားခဲ့ပါတယ်။
ဒီဘုတ်အဖွဲ့အစည်းအဝေးကို မန်ယူနိုက်တက်ရဲ့ နိုင်ငံတကာဘောလုံးဆက်ဆံရေးအရာရှိချုပ် ယန်းကလောက်ဘလန့်၊ အဲဗာတန်အသင်းပိုင်ရှင် ဒန်းဖရိုင်းကင်တို့ တက်ရောက်ခဲ့တယ်လို့ သိရပါတယ်။
