အာရှကာယဗလနဲ့ ကာယကြံ့ခိုင်မှု အားကစားပြိုင်ပွဲတွေမှာ မြန်မာ ရွှေ (၁)၊ ကြေး (၁) ရရှိ
(၅၈) ကြိမ်မြောက် အာရှကာယဗလနဲ့ ကာယကြံ့ခိုင်မှုအားကစားပြိုင်ပွဲ (58th Asian Bodybuilding & Physique Sports Championship 2026) ကို ဝင်ရောက်ယှဥ်ပြိုင်ခဲ့တဲ့ မြန်မာကာယဗလအားကစားအဖွဲ့ဟာ ရွှေတံဆိပ် (၁) ခု၊ ကြေးတံဆိပ် (၁) ခု ဆွတ်ခူးရရှိခဲ့ကြောင်း သိရပါတယ်။
(၅၈) ကြိမ်မြောက် အာရှကာယဗလနဲ့ ကာယကြံ့ခိုင်မှုအားကစားပြိုင်ပွဲကို ထိုင်းနိုင်ငံ၊ ဘန်ကောက်မြို့မှာ စက်တင်ဘာ ၂၂ ရက်ကနေ ၂၈ ရက်အထိ ကျင်းပပြုလုပ်နေကြောင်း သိရပါတယ်။
မြန်မာကာယဗလအားကစားအဖွဲ့အတွက် ရွှေတံဆိပ်ဆုကို အမျိုးသားကာယဗလ (၆၅) ကီလိုတန်းမှာ ဟိန်းဇော်လင်းက ရယူပေးခဲ့ပြီး ကြေးတံဆိပ်ဆုကိုတော့ အမျိုးသားကာယဗလ (၆၀) ကီလိုတန်းမှာ အောင်ထွဋ်ကရရှိခဲ့တာပါ။
မြန်မာကာယဗလအားကစားအဖွဲ့အနေနဲ့ (၅၈) ကြိမ်မြောက် အာရှကာယဗလနဲ့ ကာယကြံ့ခိုင်မှုအားကစားပြိုင်ပွဲကို ကစားသမား ၆ ဦးဖြစ်တဲ့ အောင်ထွဋ်၊ ဟိန်းဇော်လင်း၊ ဝေလင်းကျော်၊ နေထွဋ်၊ မီမီကျော်နိုင်၊ မိုးသက်ခိုင်တို့ဖြင့် ဝင်ရောက်ယှဥ်ပြိုင်ခဲ့ပါတယ်။
(၅၈) ကြိမ်မြောက် အာရှကာယဗလနှင့် ကာယကြံ့ခိုင်မှုအားကစားပြိုင်ပွဲကို အာရှဒေသတွင်းကနေ နိုင်ငံပေါင်း ၂၅ နိုင်ငံက ကာယဗလအားကစားသမား ၃၀၀ ကျော် ပါဝင်ယှဥ်ပြိုင်ခဲ့ကြကြောင်း သိရပါတယ်။
Photos: MBPF
