မြန်မာအမျိုးသမီးလက်ရွေးစင်အသင်း ဘင်္ဂလားဒေ့ရှ်အသင်းကို အနိုင်ရပါက နောက်တစ်ဆင့်အတွက် မျှော်လင့်ချက်ရှိ
မြန်မာအမျိုးသမီးလက်ရွေးစင်အသင်းအနေနဲ့ ၂၀၂၆ အာရှအားကစားပြိုင်ပွဲ အမျိုးသမီးဘောလုံးပြိုင်ပွဲ အုပ်စုနောက်ဆုံးပွဲအဖြစ် စက်တင်ဘာ ၂၁ ရက်မှာ ဘင်္ဂလားဒေ့ရှ်အမျိုးသမီးအသင်းနဲ့ ယှဥ်ပြိုင်ကစားရမှာဖြစ်ပြီး အနိုင်ရရှိခဲ့ပါက နောက်တစ်ဆင့်တက်ရောက်ရန် မျှော်လင့်နိုင်မှာဖြစ်ပါတယ်။
မြန်မာအမျိုးသမီးအသင်းနဲ့ ဘင်္ဂလားဒေ့ရှ်အမျိုးသမီးအသင်းတို့ဟာ ယနေ့ မြန်မာစံတော်ချိန် နေ့လည် (၁) နာရီခွဲမှာ ဂျပန်နိုင်ငံ၊ အိုဆာကာမြို့ရှိ နာဂိုင်းအားကစားကွင်းမှာ ယှဥ်ပြိုင်ကစားကြမှာပါ။ လက်ရှိ မြန်မာအမျိုးသမီးအသင်းနဲ့ ဘင်္ဂလားဒေ့ရှ်အမျိုးသမီးအသင်း နှစ်သင်းစလုံးအနေနဲ့ အုပ်စုတွင်းမှာ နှစ်ပွဲကစား၊ နှစ်ပွဲရှုံးကိုယ်စီနဲ့ အမှတ်ရရှိခြင်းမရှိသေးပါဘူး။
ယခုပွဲမှာ နှစ်သင်းစလုံးအတွက် အနိုင်ရရန်လိုအပ်နေပြီး အနိုင်ရရှိမှသာ အုပ်စုအဆင့်တက်ရေး မျှော်လင့်နိုင်မှာပါ။ ၂၀၂၆ အာရှအားကစားပြိုင်ပွဲ အမျိုးသမီးဘောလုံးပြိုင်ပွဲကို အသင်း ၁၂ သင်းဖြင့် လေးသင်း သုံးအုပ်စုခွဲကာ ကျင်းပနေပါတယ်။ အုပ်စုခွဲဝေထားမှုအရ အုပ်စု (A)မှာ အိမ်ရှင်ဂျပန်၊ တရုတ်တိုင်ပေ၊ ဗီယက်နမ်၊ ထိုင်း၊ အုပ်စု (မှာ တောင်ကိုရီးယား၊ မြောက်ကိုရီးယား၊ မြန်မာ၊ ဘင်္ဂလားဒေ့ရှ်၊ အုပ်စု (C)မှာ တရုတ်၊ ဖိလစ်ပိုင်၊ ဥဇဘက်ကစ္စတန်၊ ဟောင်ကောင်အသင်းတို့ ပါဝင်နေပါတယ်။ အုပ်စုတစ်ခုစီက အမှတ်အများဆုံးရ အသင်းနှစ်သင်းစီနဲ့ တတိယနေရာရအသင်းတွေထဲက အကောင်းဆုံးနှစ်သင်း၊ စုစုပေါင်း ရှစ်သင်း ကွာတားဖိုင်နယ် တက်ရောက်ခွင့်ရမှာပါ။
