ပေါ်တူဂီအသင်းလူစာရင်းမှာ စီရော်နယ်လ်ဒို ပါဝင်လာ
ပေါ်တူဂီအသင်းနည်းပြသစ် ဂျော့ချ်ဂျေးဇူးရဲ့ ပထမဆုံးထုတ်ပြန်တဲ့ လူစာရင်းမှာ အသင်းခေါင်းဆောင် စီရော်နယ်လ်ဒိုကို ထည့်သွင်းရွေးချယ်ခဲ့ပါတယ်။
စီရော်နယ်လ်ဒို(၄၁ နှစ်)ရဲ့ နိုင်ငံလက်ရွေးစင်ကစားသမားဘဝက အနားယူမယ့်သတင်းတွေကိုလည်း အဆုံးသတ်သွားစေခဲ့ပါတယ်။
၎င်းဟာ ပေါ်တူဂီအသင်း ကမ္ဘာ့ဖလားပြိုင်ပွဲ ၁၆ သင်းအဆင့်က ထွက်လိုက်ရပြီးနောက် နိုင်ငံအသင်းအတွက် ဆက်ကစားဖို့ ရှိ၊ မရှိကို အတည်ပြုဖို့ ငြင်းဆန်ခဲ့တာပါ။
ဒါပေမဲ့ ၂၀၂၆ ကမ္ဘာ့ဖလားဟာ သူ့ရဲ့နောက်ဆုံးကမ္ဘာ့ဖလားပြိုင်ပွဲ ဖြစ်တယ်လို့တော့ ဝန်ခံခဲ့ပါတယ်။
အယ်လ်နာဆာတိုက်စစ်မှူးအနေနဲ့ စက်တင်ဘာလ ၂၄ ရက်ကနေ အောက်တိုဘာလ ၄ ရက်အတွင်းကစားမယ့် Nations League လေးပွဲအတွက် ဂျော့ချ်ဂျေးဇူးရဲ့ ၂၅ ဦးစာရင်းမှာ ရွေးချယ်ခံရတာဖြစ်တယ်။
စီရော်နယ်လ်ဒိုဟာ လာမယ့်နှစ် နွေရာသီမှာကစားမယ့် Nations League Finals မတိုင်ခင် ၄၂ နှစ်ပြည့်မှာဖြစ်ပြီး ယူရို-၂၀၂၈ မှာတော့ ၄၃ နှစ် ရှိနေမှာပါ။
စီရော်နယ်လ်ဒိုနဲ့ နည်းပြ ဂျော့ချ်ဂျေးဇူးဟာ ပြီးခဲ့တဲ့ရာသီက အယ်လ်နာဆာအသင်းမှာ လက်တွဲခဲ့ပြီး ဆော်ဒီပရိုလိဂ်ချန်ပီယံ ဖြစ်ခဲ့ပါတယ်။
