ဘွန်ဒစ်လီဂါ ဂိုး ၁၀၀ ကို အမြန်ဆုံးပြည့်မြောက်
ခဲ့တဲ့ ဟာရီကိန်း
ဘိုင်ယန်မြူးနစ်တိုက်စစ်မှူး ဟာရီကိန်းက ဘွန်ဒစ်လီဂါပြိုင်ပွဲသမိုင်းမှာ ဂိုး ၁၀၀ ကို အမြန်ဆုံးပြည့်မြောက်သူအဖြစ် မှတ်တမ်းသစ် ရေးထိုးခဲ့ပါတယ်။
ဟာရီကိန်းဟာ ၃၉ မိနစ်မှာရရှိတဲ့ ပယ်နယ်တီဂိုးနဲ့
ဒီမှတ်တိုင်သစ် စိုက်ထူနိုင်ခဲ့တာပါ။
၎င်းဟာ ဂိုး ၁၀၀ ပြည့်ဖို့ အမှတ်ပေးပွဲ ၉၈ ပွဲသာ ကစားခဲ့ပြီး ယခင်အမြန်ဆုံးဖြစ်တဲ့ ဒီယက်တာမူလာထက် ၃၁ ပွဲ လျော့နည်းခဲ့ပါတယ်။
အခုပွဲမှာ နှစ်ဂိုးသွင်းယူခဲ့လို့ ဟာရီကိန်းရဲ့ ဘွန်ဒစ်
လီဂါသွင်းဂိုး ၁၀၁ ဂိုးအထိ ရှိလာခဲ့ပါတယ်။
ဟာရီကိန်းအနေနဲ့ ၂၀၂၃ ခုနှစ်မှာ ဘိုင်ယန်မြူးနစ်ကို ရောက်လာပြီးကတည်းက ပြိုင်ပွဲစုံ ၁၅၄ ပွဲကစား ၁၅၂ ဂိုး သွင်းယူထားပါတယ်။
''ဘွန်ဒစ်လီဂါဂိုး ၁၀၁ ဂိုးရှိလာလို့ တကယ်ဂုဏ်ယူမိပါတယ်။ ကျွန်တော် ဒီမှာရှိနေတဲ့ အချိန်တိုအတွင်း စက္ကန့်တိုင်းကို နှစ်သက်မြတ်နိုးပါတယ်။ ဒီလိုကစားသမားတွေနဲ့ ကျွန်တော် ကစားနေရလို့ အခွင့်အရေးတွေ ရခဲ့ပါတယ်။ ပွဲတွေထက်
ဂိုးပိုသွင်းနေတာက ကြီးကျယ်ခမ်းနားတဲ့ အချက်အလက်ဆိုတာ သိသာထင်ရှားပါတယ်''လို့ ဟာရီကိန်းက ပြောခဲ့ပါတယ်။
၎င်းဟာ ပြီးခဲ့တဲ့ရာသီကလည်း ပြိုင်ပွဲစုံ ၅၁ ပွဲကစား ၆၁ ဂိုး သွင်းယူခဲ့ပါတယ်။
