KMAESS ဖွဲ့စည်းတည်ထောင်ရာတွင် စိတ်အားတက်ကြွစွာပူးပေါင်းဆောင်ရွက်ပေးခဲ့သည့် မြန်မာသံအမတ်ကြီးအား "ကျေးဇူးတင်အသိအမှတ်ပြုတံဆိပ်"ပေးအပ်
ပြည်ပရင်းနှီးမြှုပ်နှံမှုများကို မြန်မာနိုင်ငံကအလေး ထားဟု မြန်မာသံအမတ်ကြီးပြော

ကိုရီးယား-မြန်မာ စီးပွားရေးလုံခြုံမှုဆိုင်ရာသုတေသနအသင်း(KMAESS)ဖွဲ့စည်းတည်ထောင်ရာတွင် စိတ်အားတက်ကြွစွာပူးပေါင်းဆောင်ရွက်ပေးခဲ့သည့် ကိုရီးယားနိုင်ငံဆိုင်ရာ မြန်မာသံရုံး ယာယီတာဝန်ခံ/သံအ မတ်ကြီးဦးမျိုးမြင့်မောင်အား KMAESS ဥက္ကဋ္ဌ Mr. Choi Shin Il က "ကျေးဇူးတင်အသိအမှတ်ပြုတံဆိပ်" ပေးအပ်ခဲ့ကြောင်း သိရသည်။

အဆိုပါ တံဆိပ်ကို စက်တင်ဘာ ၁၅ ရက်က ဆိုးလ်မြို့ ၌ကျင်းပသည့် KMAESS စတင်ဖွဲ့စည်းတည်ထောင်ခြင်းအထိမ်းအမှတ် စီးပွားရေးဖိုရမ်တွင် ပေးအပ်ခဲ့ခြင်းဖြစ်ကြောင်း သိရသည်။

မြန်မာသံရုံး ယာယီတာဝန်ခံ/သံအမတ်ကြီးက နှစ်နိုင်ငံကြားချစ်ကြည်ရင်းနှီးမှုနှင့် ပူးပေါင်းဆောင်ရွက်မှုများပိုမိုခိုင်မာစေရန် KMAESS အသင်းက အရေးပါသည့် ပေါင်းကူးတံတားတစ်ရပ်အဖြစ်အထောက်အကူပြုနိုင်မည်ကို ယုံကြည်မျှော်လင့်သည်ဟု ပြောသည်။

ထို့ပြင် ပြည်ပရင်းနှီးမြှုပ်နှံမှုများကို မြန်မာနိုင်ငံက အ လေးထားကာ မြန်မာနိုင်ငံတော်အကြီးအကဲကလည်း နိုင်ငံတကာရင်းနှီးမြှုပ်နှံမှုများကိုအလေးထားဖိတ်ခေါ်လျက်ရှိသည်ဟု ပြောကြားခဲ့သည်။

အဆိုပါ ဖိုရမ်သို့ ရင်းနှီးမြှုပ်နှံမှုနှင့် နိုင်ငံခြားစီးပွားဆက်သွယ်ရေးဝန်ကြီးဌာန ပြည်ထောင်စုဝန်ကြီး(ငြိမ်း) ဒေါက်တာဝါဝါမောင်၊ စီးပွားရေးနှင့်ကူးသန်းရောင်း ဝယ်ရေးဝန်ကြီးဌာန(မြန်မာကုန်သွယ်မှုမြှင့်တင်ရေးအ ဖွဲ့)ညွှန်ကြားရေးမှူးချုပ် ဒေါက်တာထိန်လင်းနှင့် UMFCCI ဥက္ကဋ္ဌဦးအေးဝင်းတို့ကလည်း Video Message ဖြင့် ဂုဏ်ပြုစကားများအသီးသီးပေးပို့ခဲ့ကြသည်။