ဘရူနိုင်းနိုင်ငံဆိုင်ရာ မြန်မာသံအမတ်ကြီး အာဆီယံနိုင်ငံများမှ သံအမတ်ကြီးများနှင့် သီးခြားစီမိတ်ဆက်တွေ့ဆုံ၊ သံရုံးများအကြား ပူးပေါင်းဆောင်ရွက်ရေး ဆွေးနွေး
ဘရူနိုင်းနိုင်ငံဆိုင်ရာ မြန်မာသံအမတ်ကြီး ဦးစိုးသက်နောင်သည် စက်တင်ဘာ ၈ ရက်မှ ၁၆ ရက်အတွင်း ဘရူနိုင်းနိုင်ငံဆိုင်ရာ အာဆီယံအဖွဲ့ဝင်နိုင်ငံများမှ သံအမတ်ကြီးများနှင့် သီးခြားစီ မိတ်ဆက်တွေ့ဆုံခဲ့ကြောင်း သိရသည်။
ထိုသို့တွေ့ဆုံရာတွင် စင်ကာပူသံအမတ်ကြီး Yip Wei Kiat၊ မလေးရှားသံအမတ်ကြီး Datuk Mohd Aini Atan၊ တီမောလက်စ်တေသံအမတ်ကြီး Abel Guterres နှင့် လာအိုသံအမတ်ကြီး Heuankeo Sangsomsak တို့နှင့် သီးခြားစီ မိတ်ဆက်တွေ့ဆုံခဲ့ခြင်းဖြစ်သည်။
တွေ့ဆုံမှုများအတွင်း အာဆီယံအဖွဲ့ဝင်နိုင်ငံများ၏ သံရုံးများအကြား ပူးပေါင်းဆောင်ရွက်မှု ပိုမိုမြှင့်တင်ရေးနှင့် သက်ဆိုင်ရာ နှစ်နိုင်ငံဆက်ဆံရေးဆိုင်ရာ ကိစ္စရပ်များကို အမြင်ချင်းဖလှယ် ဆွေးနွေးခဲ့ကြကြောင်း သိရသည်။
