မြန်မာ ယူ- ၂၀ အသင်း သီရိလင်္ကာနဲ့ ဘရူနိုင်းအသင်းတို့ကို ဂိုးပြတ်အနိုင်ရရှိမှုကြောင့် ၂၀၂၉ အာရှဖလား ယူ- ၂၀ ပြိုင်ပွဲ ခြေစစ်ပွဲဝင်ခွင့် ရရှိ

မြန်မာ ယူ- ၂၀ အသင်းဟာ သီရိလင်္ကာ ယူ- ၂၀ အသင်းနဲ့ ဘရူနိုင်း ယူ- ၂၀ အသင်းတို့ကို ဂိုးပြတ်အနိုင်ရရှိမှုကြောင့် ၂၀၂၉ အာရှဖလား ယူ- ၂၀ ပြိုင်ပွဲ ခြေစစ်ပွဲဝင်ခွင့် ရရှိခဲ့ပြီဖြစ်ကြောင်း သိရပါတယ်။
မြန်မာ ယူ- ၂၀ အသင်းဟာ ၂၀၂၇ အာရှဖလား ယူ- ၂၀ ခြေစစ်ပွဲဝင်ခွင့်မရခဲ့ဘဲ ၂၀၂၉ အာရှဖလား ယူ- ၂၀ ပြိုင်ပွဲ ခြေစစ်ပွဲဝင်ခွင့် (Development Phase) အတွက်သာ ယှဥ်ပြိုင်ကစားနေခြင်းဖြစ်ပါတယ်။
မြန်မာ ယူ- ၂၀ အသင်းဟာ ၂၀၂၉ အာရှဖလား ယူ- ၂၀ ပြိုင်ပွဲ ခြေစစ်ပွဲဝင်ခွင့် (Development Phase) အုပ်စု (K) မှာ သီရိလင်္ကာ၊ မော်လ်ဒိုက်၊ ဘရူနိုင်းအသင်းတို့နဲ့အတူ ကျရောက်နေလျက်ရှိပါတယ်။
မြန်မာ ယူ- ၂၀ အသင်းဟာ အုပ်စုပထမပွဲအဖြစ် ပြီးခဲ့တဲ့သြဂုတ် (၃၁) ရက်က သီရိလင်္ကာ ယူ- ၂၀ အသင်းနဲ့ ယှဥ်ပြိုင်ကစားခဲ့ရာ (၄-၀) ဂိုးနဲ့ အနိုင်ရခဲ့ပါတယ်။
မြန်မာ ယူ- ၂၀ အသင်းဟာ စက်တင်ဘာ (၃) ရက်က အုပ်စုဒုတိယပွဲအဖြစ် ဘရူနိုင်းအသင်းနဲ့ ယှဥ်ပြိုင်ကစားခဲ့ရာ (၇-၀) ဂိုးနဲ့ အနိုင်ရခဲ့ပါတယ်။
ဒါကြောင့် မြန်မာ ယူ- ၂၀ အသင်းဟာ ၂၀၂၉ အာရှဖလား ယူ- ၂၀ ပြိုင်ပွဲ ခြေစစ်ပွဲဝင်ခွင့် (Development Phase) ရရှိခဲ့ပြီဖြစ်ကြောင်း သိရပါတယ်။
မြန်မာနိုင်ငံဘောလုံးအဖွဲ့ချုပ် (MFF) က မြန်မာ ယူ- ၂၀ အသင်းရဲ့ အုပ်စု (K) ပွဲစဥ်များကို အိမ်ရှင်အဖြစ် ရန်ကုန်မြို့ သုဝဏ္ဏကွင်းတွင် သြဂုတ် (၃၁) ရက်မှ စက်တင်ဘာ (၆) ရက်အထိ တစ်ရက် နှစ်ပွဲနှုန်းဖြင့် အိမ်ရှင့်အဖြစ် လက်ခံကျင်းပနေပါတယ်။
မြန်မာ ယူ- ၂၀ အသင်းဟာ စက်တင်ဘာ (၆) ရက်မှာ အုပ်စုပထမနေရာ အဆုံးအဖြတ်ပွဲအဖြစ် မော်လ်ဒိုက်အသင်းနဲ့ အုပ်စုနောက်ဆုံးပွဲ ယှဥ်ပြိုင်ကစားရမှာ​ဖြစ်ပါတယ်။