ရေကြီးရေလျှံမှုကြောင့် မိုးသီးနှံများထိခိုက်ပျ-က်စီးမှုမရှိစေရေး ဖာထေးစိုက်ပျိုးရန် ပဲခူးတိုင်းဝန်ကြီးချုပ် မှာကြား
ပဲခူးတိုင်းအတွင်း မိုးသည်းထန်စွာရွာသွန်းခြင်းနှင့် ရေကြီးရေလျှံမှုတို့ကြောင့် မိုးသီးနှံများထိခိုက်ပျ-က်စီးမှုမရှိစေရေးအတွက် ကွင်းဆင်းစိစစ်၍ ဖာထေးစိုက်ပျိုးရန် ပဲခူးတိုင်းဝန်ကြီးချုပ်ဦးမျိုးဆွေဝင်းက မှာကြားသည်။
ပြီးခဲ့သည့် ရက်ပိုင်းအတွင်းကပြုလုပ်ခဲ့သည့် တိုင်းဒေ သကြီးအဆင့်ဌာနဆိုင်ရာလုပ်ငန်းညှိနှိုင်းအစည်းအဝေး အမှတ်စဉ်(၄/၂၀၂၆)တွင် တိုင်းဝန်ကြီးချုပ်က မှာကြားခဲ့ခြင်းဖြစ်သည်။
ထို့ပြင် ပဲခူးတိုင်းအတွင်း မိုးစပါးများစတင်ရိတ်သိမ်းနေပြီဖြစ်၍ ရိတ်သိမ်းပြီးမိုးစပါးများ အမိုးအကာအောက်အမြန်ဆုံးရောက်ရှိစေရေး လိုအပ်သည်များ ပံ့ ပိုးကူညီဆောင်ရွက်ပေးရန်၊ ဌာနဆိုင်ရာရုံးလုပ်ငန်းများနှင့်ပတ်သက်၍ တိကျမှန်ကန်မြန်ဆန်စွာဆောင်ရွက်ရန်၊ ပြည်သူ့ဝန်ဆောင်မှုပေးသည့် ဌာနဆိုင်ရာများအားလုံး မြို့ပြသန့်ရှင်းသာယာလှပေစေရေးနှင့် လမ်းပိုင်းများအလိုက်ကောင်းမွန်မှုရှိစေရေး ချက်ခြင်းပျ-က် ချက်ခြင်းပြင်စနစ်ဆောင်ရွက်ရန် မှာကြားသည်။
မိုးရာသီကာလအတွင်း ကူးစက်ရောဂါဖြစ်ပွားမှုမရှိစေရေး ကျန်းမာရေးဆိုင်ရာအသိပညာပေးခြင်းများကို အရှိန်အဟုန်ဖြင့်ဆောင်ရွက်ရန်လည်း တိုင်းဝန်ကြီးချုပ်က မှာကြားခဲ့သည်။
ထို့နောက် တိုင်းအစိုးရအဖွဲ့ဝန်ကြီးများက သက်ဆိုင်ရာကဏ္ဍအလိုက် တည်ဆောက်ရေးလုပ်ငန်းများဆောင်ရွက်နေမှုနှင့် ဆက်လက်ဆောင်ရွက်သွားမည့် လုပ်ငန်းအခြေအနေများ၊ တိုင်းအစိုးရဖွဲ့အတွင်းရေးမှူးက ပြည်ထောင်စုအစိုးရအဖွဲ့၏ ညွှန်ကြားချက်များ၊ လမ်းညွှန်ချက်များနှင့်အညီ ရုံးလုပ်ငန်းများအကောင်အထည် ဖော်ဆောင်ရွက်နိုင်ရေးတို့ကို ရှင်းလင်းတင်ပြခဲ့ကြသည်။
