MFF Charity Shield 2026 ပြိုင်ပွဲမှ ကွင်းဝင်ကြေးများကို ရေဘေးသင့်ပြည်သူများအတွက် လှူဒါန်းသွားမယ်

ရှမ်းယူနိုက်တက်နဲ့ ရန်ကုန်ယူနိုက်တက်အသင်းတို့ ယှဉ်ပြိုင်ကစားမယ့် MFF Charity Shield 2026 ပြိုင်ပွဲ (ကွင်းဖွင့်ဖလား) မှ ရရှိလာမယ့် ကွင်းဝင်ကြေးများကို ရေဘေးသင့်ပြည်သူများအတွက် လှူဒါန်းသွားမှာဖြစ်ကြောင်း သိရပါတယ်။
ရှမ်းယူနိုက်တက်နဲ့ ရန်ကုန်ယူနိုက်တက်အသင်းတို့ ယှဉ်ပြိုင်ကစားမယ့် MFF Charity Shield 2026 ပြိုင်ပွဲ (ကွင်းဖွင့်ဖလား) ကို သြဂုတ် ၂၅ ရက်၊ ညနေ ၅ နာရီတွင် ရန်ကုန်မြို့ရှိ သုဝဏ္ဏကွင်း၌ ကျင်းပပြုလုပ်မှာဖြစ်ပါတယ်။
မြန်မာနိုင်ငံဘောလုံးအဖွဲ့ချုပ် (MFF) ဟာ MFF Charity Shield 2026 ပြိုင်ပွဲ (ကွင်းဖွင့်ဖလား) အဖြစ် ပြီးခဲ့တဲ့ရာသီ MNL အမှတ်ပေးလိဂ်ပြိုင်ပွဲ ချန်ပီယံ ရှမ်းယူနိုက်တက်အသင်းနဲ့ MNL League Cup ရှုံးထွက်ပြိုင်ပွဲချန်ပီယံ ရန်ကုန်ယူနိုက်တက်အသင်းတို့ကို ယှဉ်ပြိုင်စေမှာ ဖြစ်ပါတယ်။
ရှမ်းယူနိုက်တက်နဲ့ ရန်ကုန်ယူနိုက်တက်အသင်းတို့ ယှဉ်ပြိုင်ကစားမယ့် MFF Charity Shield 2026 ပြိုင်ပွဲ (ကွင်းဖွင့်ဖလား) မစတင်မီ နိုင်ငံကျော် အနုပညာရှင်များက တေးသီချင်းများဖြင့် ဖျော်ဖြေတင်ဆက်ကြမှာဖြစ်ကြောင်း သိရပါတယ်။
ထို့ပြင် ကွင်းအတွင်း လာရောက်အားပေးကြမယ့် ပရိသတ်များအတွက် ကံစမ်းမဲ အစီအစဉ်များကိုလည်း ထည့်သွင်းပေးသွားမှာဖြစ်ကြောင်း သိရပါတယ်။
ရှမ်းယူနိုက်တက်နဲ့ ရန်ကုန်ယူနိုက်တက်အသင်းတို့ ယှဉ်ပြိုင်ကစားမယ့် MFF Charity Shield 2026 ပြိုင်ပွဲ (ကွင်းဖွင့်ဖလား) အတွက် ကွင်းဝင်ကြေးလက်မှတ်ဈေးနှုန်းများအဖြစ် ရိုးရိုးတန်း ကျပ် (၂၀၀၀)၊ အထူးတန်း ကျပ် (၅၀၀၀) သတ်မှတ်ထားကြောင်း သိရပါတယ်။
ထို့ပြင် ယင်းပွဲကို ပြည်တွင်းအခမဲ့ရုပ်သံလိုင်းဖြစ်တဲ့ MRTV-4 နဲ့ Pyone Play Sports YouTube Channel တို့ကနေလည်း တိုက်ရိုက်ထုတ်လွှင့်ပြသသွားမှာဖြစ်ကြောင်း သိရပါတယ်။
ရှမ်းယူနိုက်တက်အသင်းဟာ ပြီးခဲ့တဲ့ရာသီ အမှတ်ပေးလိဂ်ပြိုင်ပွဲတွင် (၂၂) ပွဲကစား၊ (၁၈) ပွဲနိုင်၊ (၄) ပွဲသရေ၊ ရှုံးပွဲမရှိ၊ ရမှတ် (၅၈) မှတ်ဖြင့် ချန်ပီယံဆု ရရှိခဲ့ခြင်းဖြစ်ပါတယ်။
ရန်ကုန်ယူနိုက်တက်အသင်းဟာ ပြီးခဲ့တဲ့ ၂၀၂၅ MNL League Cup ရှုံးထွက်ပြိုင်ပွဲ နောက်ဆုံးဗိုလ်လုပွဲတွင် ရှမ်းယူနိုက်တက်အသင်းကို (၁-ဝ) ဂိုးဖြင့် အနိုင်ရရှိ ကာ ဗိုလ်စွဲထားခြင်းဖြစ်ပါတယ်။
ထို့ကြောင့် ယခုရာသီ MFF Charity Shield 2026 ပြိုင်ပွဲ (ကွင်းဖွင့်ဖလား) မှာ ရှမ်းယူနိုက်တက်နဲ့ ရန်ကုန်ယူနိုက်တက်အသင်း နှစ်သင်းစလုံးအတွက် မကျေပွဲအဖြစ် ပြန်လည်ဆုံတွေ့ ခြင်းဖြစ်ပြီး ပြိုင်ဆိုင်မှု ပြင်းထန်ဖွယ်ရှိနေပါတယ်။
ရှမ်းယူနိုက်တက်အသင်းဟာ ယခုရာသီအတွက် နည်းပြချုပ်အဖြစ် မြန်မာဘောလုံးငွေ​ခေတ် လက်ရွေးစင်ဟောင်း ဦးအောင်ခိုင်ကို တာဝန်ပေးအပ်ထားသလို ပြည်ပကစားသမား ၆ ဦး ခေါ်ယူဖြည့်တင်းထားပါတယ်။
ထို့အတူ ရန်ကုန်ယူနိုက်တက်အသင်းကလည်း နည်းပြချုပ်အဖြစ် အာဂျင်တီးနားလူမျိုး မာဆယ်လိုကို ခန့်အပ်ထားပြီး ပြည်ပကစားသမား ၅ ဦး ခေါ်ယူဖြည့်တင်းထားပါတယ်။