မြန်မာ-ရုရှား နှစ်နိုင်ငံစာချွန်လွှာများလက်မှတ်ရေးထိုးပြီး နှစ်နိုင်ငံခေါင်းဆောင်များက သတင်းစာရှင်းလင်းပွဲပြုလုပ်ခဲ့
မြန်မာ-ရုရှားနှစ်နိုင်ငံပူးပေါင်းဆောင်ရွက်မှုများမြှင့်တင်နိုင်ရေးအတွက် စာချွန်လွှာများလက်မှတ်ရေးထိုးခြင်းကို ယနေ့ သြဂုတ် ၁၈ ရက်နေ့လယ်ပိုင်းက ရုရှားနိုင်ငံ၊ မော်စကိုမြို့ရှိ ကရင်မလင်နန်းတော်၌ ပြုလုပ်ခဲ့သည်။
အဆိုပါ ပူးပေါင်းဆောင်ရွက်မှုမြှင့်တင်ရေးအတွက် စာချွန်လွှာများအား နှစ်နိုင်ငံ ကဏ္ဍအလိုက်တာဝန်ရှိသူများက မြန်မာနိုင်ငံတော်သမ္မတ ဦးမင်းအောင်လှိုင်နှင့် ရုရှားဖက်ဒရေးရှင်းနိုင်ငံသမ္မတ H.E. Mr. Vladimir Vladimirovich Putin တို့၏ရှေ့မှောက်၌ လက်မှတ်ရေး ထိုးလဲလှယ်ခဲ့ကြသည်။
ထို့နောက် ကရင်မလင်နန်းတော်၌ပင် မြန်မာနိုင်ငံတော်သမ္မတ ဦးမင်းအောင်လှိုင်နှင့် ရုရှားဖက်ဒရေးရှင်းနိုင်ငံသမ္မတ H.E. Mr. Vladimir Vladimirovich Putin တို့ဦးဆောင််ကာ သတင်းစာရှင်းလင်းပွဲပြုလုပ်ခဲ့သည်။
